个園竹語

家同媽咪去咗海港城行街，食飯去咗試呢一間上海菜餐廳，呢間餐廳走精緻高檔路線，環境舒適，坐低飲杯茶慢慢食，好休閒咁樣嘆咗個午餐。

鐵板上的小籠包
用鐵板上嘅就真係未食過。呢個小籠包除咗皮薄多汁之外，佢個底仲有鍋貼脆脆口感，多咗一份香口感覺。食嘅時候先吸絕晒湯汁，然之後加入薑絲黑醋，小籠包餡料滿滿，好滋味。

松鼠桂花魚
賣相好吸引，色彩繽紛，桂花魚炸得香脆可口，裏面魚肉鮮嫩，配上酸甜酸甜嘅醬汁超級開胃。魚肉已經起晒骨，絕對係啖啖肉，最啱我呢啲怕骨嘅人。

蔥油鮑片拌麵
包片有四大塊，估佢唔到又幾有鮑魚鮮味，口感軟得來有口感，唔會韌到咬唔開。拌面嘅麵條幾有彈性，口感唔會腍啤啤，配上肉碎乾蔥粒同埋醬油，好惹味。