花貝日本料理 (已結業)

食omakase最享受嘅就係欣賞師傅點樣用食材同處理方法昇華魚生嘅鮮味，今晚喺花貝嘅體驗係滿分嘅👍🏻👍🏻前菜罕見以熟蝦做主角，配上青檸啫喱同蓴菜，賣相似個池塘仔，賞心悅目之餘食落都好開胃。刺身3款：薄切真鯛、帆立貝、赤身2食真鯛包住玫瑰花瓣一齊食有淡淡花香、帆立貝用岩鹽吊味、赤身有原味同醬油漬兩款，醬油漬味更濃又唔會過鹹之後係煙燻鰹魚，連伴碟嘅脆紫菜都一齊用禾稈草煙燻過，味道好香～四件天婦羅入面最有驚喜係粟米仔，感覺係燒香咗再炸，好好食～厚岸生蠔好大隻，配上海葡萄同蕨類啫喱唔會搶咗蠔嘅鮮味～之後嚟到重頭戲手握壽司8貫：生八爪魚、羽太（斑）、金目鯛、池魚、黑鯥、牡丹蝦、海膽同大拖羅8款壽司師傅都會因應魚肉本身嘅味道去選擇配料，每一次配搭轉換都反映到師傅嘅堅持：以配料昇華魚嘅味道，但絕對唔會蓋過當中最深刻嘅係火炙黑鯥，以自家製嘅甜酒煮紫菜作調味，以甜味平衡黑鯥嘅油脂；網炙醬油漬大拖羅更加震撼，第一次見師傅以網炙手法處理，焦香感平均分佈喺成塊魚肉，再加紫蘇葉碎同芝麻調味，味道層次非常細緻。熱辣辣嘅玉子燒亦都好有驚喜，中間帶小小流心效果～蜜糖淋醬亦唔會過甜最後嘅湯品同甜品3食都係水準以上，自家