相馬日式火鍋 (已結業)

今日又係放肆食嘢嘅日子，我哋成班飯腳嚟到西營盤食放題，呢間餐廳有一個無限時放題，客人可以食嘢食到飽為止。因為冇限時，所以非常自由。而且呢個套餐非常多嘢食，淨係煲都有成四個。先講咗，我覺得最好食先嘅第一名🥇海鮮蒸鍋呢個海鮮蒸鍋係用蒜蓉蒸嘅，勁多蒜蓉，勁香蒜蓉味，海鮮充滿蒜蓉香味，而且非常新鮮好好食，聖子鮮甜又爽口，鮑魚亦都啖啖肉好有咬口。輪到第二名🥈豚骨湯底任食火鍋呢個豚骨湯底，真係超好味，真材實料。入邊有豬骨和不同蔬菜肴煮而成，新鮮好味。話明火鍋，當然有好多不同火鍋材料。🎗️響鈴吸左啲湯汁，食落去仲有香脆嘅口感！🎗️牛肉🐮，牛味十足，入口好易咬開。🎗️🎗️大蝦🦐，煮到紅卜卜，蝦肉又甜又爽口。🎗️八爪魚🐙丸，食到有墨魚和香蔥喺入邊，又香又彈牙🎗️蜆，大隻冇沙又鮮甜🎗️蠔🦪滑嘟嘟，大大隻蠔味濃郁🎗️扇貝肉質柔軟🎗️青口新鮮又有海水味第三名公開🥉雞煲雞煲都好好味，有好多雞肉，亦都非常夠味，而且可以選擇辣度，非常貼心！唔夠食，亦可以再加，真係非常抵食！