霸王川莊 (已結業)

 今晚係平安夜，冒住無book位既危險去左霸王川莊walk in，我地6點半到，好彩地唔使等都有位！餐廳既位置都幾多，但座位唔算闊落，枱既面積比較細，叫多兩碟餸都唔夠位擺。佢地既茶好特別，有菊花／杞子，應該係可以幫大家食完辣野降火！水煮魚 ＄198呢個水煮魚可以自選4種配料，我地揀左豬紅／薯粉x2／萵筍! 由於驚佢太辣，所以叫左BB 辣，結果係完全handle 到，但如果平時唔係食得辣，可以揀佢地既酸菜魚！魚好滑，但有骨，而豬紅同萵筍亦都係極力推介既配料！＄178至於另一個主菜--烤鴨，等左一個鐘先到，大家要預時間等！老實講，烤鴨唔係特別出色，唯一可以稱讚既地方係，佢地有炸饅頭夾烤鴨，超級好味，但食多兩件，會嫌佢膩，所以最好多幾個朋友一齊 share！另外，叫左杯鹹檸啤！我自己無飲，男朋友覺得麻麻地，但個味道叫做幾特別！