影片
更多
2023-01-20
265 瀏覽
鍾意嚟呢度食飯 ，主要係鍾意菜餚款式多，服務好。 今日想食啲特別嘅， 就叫咗鴨肉鬆叉子餅， 薑汁芥蘭 ，花膠炆乳鴿 ，麻婆豆腐， 西蘭花炒斑片， 非常豐富嘅一餐。 最特別嘅菜當然係鴨鬆叉子餅， 鴨鬆用筍乾嚟炒， 炒得都幾乾身， 如果加啲松子就更加好食。 薑汁芥蘭用嘅全部都係好嫩嘅芥蘭苗， 非常翠綠新鮮 ，薑汁味濃， 真係貴得有道理。 西蘭花炒班片， 啲魚非常新鮮， 砌得好厚身， 雪白嘅肉， 鮮甜美味。 麻婆豆腐都煮得非常好， 麻同辣嘅配搭啱啱好， 豆腐幼嫩柔滑 ，越食越想食 。花膠炆乳鴿就差啲 ，😶個乳鴿好嫩， 但係冇乜鮮味， 花膠就幾好食，好淋好滑， 可惜個主角就失色咗， 可能係用咗雪得好耐嘅乳鴿。 如果食材新鮮， 調味差啲都可以食到食物本身嘅鮮味， 而唔係靠調味料去搶鏡 。呢度個粵菜選擇真係好多， 每一次眼花繚亂，唔知揀乜好 ，樣樣都想食 ，因為好多種都好好食好吸引呀。真係可以留得住為食嘅我。👍😛😋
16 瀏覽
1 讚好
0 留言
薑汁芥蘭用嘅全部都係好嫩嘅芥蘭苗， 非常翠綠新鮮 ，薑汁味濃， 真係貴得有道理。
西蘭花炒班片， 啲魚非常新鮮， 砌得好厚身， 雪白嘅肉， 鮮甜美味。
麻婆豆腐都煮得非常好， 麻同辣嘅配搭啱啱好， 豆腐幼嫩柔滑 ，越食越想食 。
花膠炆乳鴿就差啲 ，😶個乳鴿好嫩， 但係冇乜鮮味， 花膠就幾好食，好淋好滑， 可惜個主角就失色咗， 可能係用咗雪得好耐嘅乳鴿。
如果食材新鮮， 調味差啲都可以食到食物本身嘅鮮味， 而唔係靠調味料去搶鏡 。呢度個粵菜選擇真係好多， 每一次眼花繚亂，唔知揀乜好 ，樣樣都想食 ，因為好多種都好好食好吸引呀。真係可以留得住為食嘅我。👍😛😋
張貼
