大師傅粥品 (埃華街)

今朝9:00，去咗埃華街大師傅粥店叫碗艇仔粥加蝦米腸，碗艇仔粥應該唔夠熱，食咗幾啖，發現啲肉未熟，搞咗幾次都唔熟，好客氣同個職員反映，佢話：係咁㗎，艇仔粥啲肉係唔熟㗎。我當然唔會食啦。
埋單時，同收銀再反映，佢都話係咁㗎，佢哋個師傅係咁㗎😵‍💫😵‍💫我話我唔會俾碗粥嘅錢，佢話咁退返啦，全程毫無歉意，覺得食物唔熟俾客人食係完全冇問題嘅。
係咪應該問吓1823或者send去食環署，究竟食肆啲食物唔熟，係咪可以照俾客人食㗎呢？

唔會再去！

特別推介：未熟，艇仔粥