西記粥店

營業中

休息中

今晚唔煮飯，為左快手快腳趕下場，就去西記解決喇。這裏的湯飯質素不錯，所以夜晚都好多人食湯飯或麵。話事話，過左年後原來樣樣都加左一蚊。食過好幾次湯飯，每次一定叫豬潤，魚腩，芥菜。豬潤份量夠多，又腍又滑。魚腩大大件，相比鯇魚肉，魚腩完整一嚿，又冇乜骨。芥菜又比得夠多。成個湯有濃濃豬潤精華，芥菜又甜味，所以好!今次還叫了木耳，成碗滿晒，加埋碗大飯，十分足夠。另外一個，我都order了魚腩。今次鮮雞都有4件，啖啖肉。還有一個餸是秀珍菇。西洋菜都係好受歡迎。我地兩個交換啲餸食可能味道不錯，平時食開少飯的我，連咁大碗飯都食清光。最後，因為太過飽，暫且都食不下糖水，只好買外賣，綠豆沙和紅豆沙各一碗。外賣需要加多一蚊（$16）。紅豆沙除了有花生外，還好似仲係用粥水煲，有一粒粒米，幾特別。