一樂小鍋 (已結業)

朋友住石門，同佢講想想一樂，佢又即刻ok，我地就約實了。係OpenRice見到餐牌原來一日前book套餐有9折，一至四仲要免加一，即刻同朋友夾好食粥底海鮮火鍋就打電話訂台。好在星期一去人唔算多，員工好細心咁幫手接待我地，見我哋揀蘿蔔仲話係湯底加蘿蔔，叫我地另外揀多個餸，好正。食物味道唔錯，海蝦打頭陣好正，鮑魚帶子都好好，肉蟹堅多肉，我朋友食開海鮮都話唔錯。服務員哥哥有求必應，我哋要濕紙巾都隨傳隨到。好彩今日星期一，佢應付得黎，朋友走時仲睇定其他餐牌，打算下次再黎幫襯。