美味餃子店

營業中

休息中

今日做嘢經過美味餃子店，雖然太子美食眾多，但係我仍然會選美味餃子店，最愛佢嘅湯餃。一坐低，我即刻點雲耳椰菜肉餃及白菜肉餃，選湯餃就可以飲我最愛嘅野葛菜煲生魚豬骨湯，冇味精之餘，感覺可以洗走我食咗成個星期的外賣味精😅😅可選7隻或者10隻，我選咗10隻，阿姐一放低碗湯餃，我即刻啟動大食模式，先飲兩啖野角菜煲生魚豬骨湯，洗滌身心靈，跟住我就非常熟手咁加入菜譜豆豉辣椒油。為咗挑戰自己，我決定一啖就食一隻落口，雖然嘴細嘅我有點勉強😂😂，但實在好味。對我來說，菜譜豆豉辣椒油有一點辣，每次食咗一陣都會咳咳，不過我都一定會加，咁先係完整嘅美味餃子店體驗啊！