滿屋定食

營業中

休息中

冇留意到原來粉嶺聯和墟有間泰日式fusion嘅餐廳，呢晚去咗試吓果然有驚喜。船湯安格斯牛小排金邊粉，湯底唔錯牛肉都幾嫩滑。冬陰功海鮮湯河都幾足料，湯底偏酸辣，如果多少少甜會好啲。跟餐仲分別有兩個小食，叫咗八爪魚仔、魚餅、單骨雞翼同埋炸蝦餅，整體都合乎水準。除此之外仲叫咗鳳爪沙律同埋燒豬頸肉拼盤：沙律份量唔少，如果可以加埋洋蔥就更好；至於燒豬頸肉拼盤性價比高有齊豬牛雞。飲品方面叫咗一杯龍眼冰同埋斑蘭椰汁特飲，龍眼冰算正常，而斑蘭椰汁特飲就幾有特色唔係周圍有。整體而言呢間餐廳嘅嘢食都算平民價，幾有水準可以一試。