更多
2023-07-07
82 瀏覽
懶得煮飯,同屋企人去樓下新開嘅呢間新膳川食米線。舖頭乾淨企理,座位闊落。Scan qr code落單,食物選擇好多,除咗主打嘅米線,重有好多款小菜,蠔餅、沙拉骨、西檸雞、咕嚕肉等,連黑糖珍珠奶茶都有😳🥢滋補藥膳雞米線藥膳湯底甘醇濃厚,帶有酒香;雞件嫩滑,醃得好入味;米線煮得啱啱好,滑身彈牙,索滿藥膳香味👍🏻🥢金湯酸菜魚薯粉揀咗微辣,都幾辣喎🤣酸辣比例恰當,帶有麻香,惹味醒胃🌶️魚嘅入量都多,嫩滑冇骨;薯粉係粗身嗰款,唔會太腍,好有咬口。🥢炭燒豬頸肉跟餐加配,好抵食!外層香脆,肉質軟腍😋🥢熱檸蜜、凍檸茶食辣嘢梗係要叫嘢飲,見到隔離檯叫嗰杯椰奶冰個樣都幾正,下次試吓。
張貼