盛意小館點心粥麵

營業中

休息中

由米芝連點心師傅開嘅點心舖，喺尖沙咀好方便，而且價錢唔貴，夜晚食仲免加一。蘿蔔酥好脆，好香，蘿蔔絲好滿，而且唔油。虎皮辣椒釀咗蝦滑，好香嘅椒味，仲會食到少少辣椒籽，好惹味。蝦餃有4粒，皮薄，蝦餡又好香。燒賣好香嘅冬菇味，係我兒時好鐘意食嘅味道。一開珍珠雞就出煙，入面好多汁，又大件。花膠灌湯餃，有花膠之外，仲有瑤柱，個湯好香瑤柱味，粒餃好大舊，餡料好足。咸肉粽舊肥豬肉好香，粽都有豬油味，唔洗點豉油都好香。排骨即叫即蒸，用咗南瓜墊底，南瓜索晒啲汁，蒸得好淋，排骨好香豆豉味。