富豪酒家

營業中

休息中

就快新年，開始同朋友屋企人慶祝食團年，最近就去左尖沙咀既【富豪酒家】食晚飯。餐廳連續幾年都攞過米芝蓮，今次就叫左佢既賀年特色菜。原燉爵士湯：蜜瓜燉花膠螺頭湯、非常清香鮮甜。蜜瓜既甜味同海鮮湯底非常match。料都非常多。發財好市：髮菜、蠔豉、豆苗，豆苗爽口鮮甜、髮菜同蠔豉分量多，醬汁濃郁。橫財就手：髮菜、豬手、生菜，調味同發財好市類似，豬手皮彈牙，肉軟霖。生菜好鮮甜。嘻嘻哈哈：潮式炸蝦棗，新鮮熱辣炸起、外脆内軟、有加馬蹄增加爽脆口感。另外仲有D甜酸醬變換味道。生炒糯米飯：糯米飯炒得好乾身、好夠味、臘味非常香，超級熱辣辣，推薦。蛋白杏仁茶：杏仁味香濃，好細滑。