莆田 (美麗華廣場2期) (已結業)

一大班朋友一齊食飯，揀咗莆田聽過佢嘅大名好多次菜式係比較特別，係香港少見嘅福建（新加玻fusion）菜聽聞蟶子都好出名同枱有朋友食過，嗌咗佢推介嘅荔枝肉碟荔枝肉上枱之後嚇親我哋，因為個碟好大，但份量好細味道一流，荔枝有兩粒咁大把，罐頭荔枝，不過我鍾意，哈哈！咕嚕肉應該有十粒嘅，唔會食到油冧冧嘅肥豬肉，又唔會太乾身，甜甜酸酸，好入味雖然份量少，但真係好好味，超級推薦！蒜香脆皮雞即係茶香燻雞見到碟有茶葉，食嘅時候又食唔到茶香皮脆肉唔夠嫩，無乜肉汁，雞肉少少「鞋」味道唔錯！松子魚炸完魚皮香脆，肉質依然嫩滑甜酸汁仲可以撈白飯出名嘅蟶子，落單嘅時候，店員推介我哋食蒜蓉蒸蟶子蟶子唔係好大隻，不過好飽滿，味道鮮甜落單時覺得好似點得太大魚太肉，於是就嗌咗個燜豆腐食咗一啖，覺得有啲燶味，睇落又無燶然後就無再掂佢啦想食豪啲，再一人嗌咗一隻鮑魚擺盤好靚，食落完全無鮑魚嘅鮮甜味罐頭鮑魚都好味過佢自己唔食鴨，所以評論唔到佢好唔好味最後不得不提枱面上嘅辣醬非常喜歡！