魚事者 (威德閣)

營業中

休息中

🎖️《香港澳門米芝蓮指南 2023 》推介店舖～本身就好中意食魚麵～中意佢彈牙得黎愈咬會愈食到淡淡既魚味，見到有專門食魚麵既舖頭，就決定去試吓啦🥳🍜蒜油香雞翼魚麵撈（$68）凍飲+$3雞翼4隻大大隻，上面淋左少少類似蜂蜜芥末既醬汁，炸得好脆但炸粉偏厚所以食食下個覺得炸皮有啲硬，入面都保持到juicy唔會乾。魚麵好彈牙，主要調味系來自蒜油，就咁食好香炸蒜味，食到啲蒜粒既時候先會feel到咸味。🐟炸魚冇薯條（$28）另外叫左個店內招牌小食，個樣望落似薯條，食落口感煙煙韌韌，愈咬愈有魚味。佢有幾款醬可以簡，我就簡左雙子醬（明太子+蟹籽），醬既味道好濃，入面啲蟹子脆卜卜，記得要襯熱食！