泰排檔

今晚去咗中環泰排檔，主打一系列地道泰國街頭美食。餐廳獲米芝連必比登推介，加上網上好多好評，即使平日晚飯時段都要排隊等位，人氣非常高—全場坐滿人，氣氛熱鬧好有泰國feel！

首選必試金邊豬肉炒河，選用金邊河粉，粉身滑溜煙韌，豬肉炒得微焦帶香，整體唔辣但炒得好有鑊氣，連唔食辣嘅朋友都食得安心，口感同味道都交足功課。
⭐⭐⭐⭐

蟹肉奄列啖啖蟹肉，蛋香濃郁，外皮煎得金黃香脆
⭐⭐⭐⭐⭐

雞肉沙嗲串燒外焦內嫩、雞肉多汁唔柴，配搭香濃花生醬真心正！
⭐⭐⭐⭐

食物水準有驚喜，每道菜都見心思和誠意；加埋開放式廚房、明亮裝修、快靚正服務同合理收費，中環區想搵正宗街頭泰菜，泰排檔絕對值得回訪！