影片
更多
2023-05-14
1060 瀏覽
前排聽朋友講會展有間中菜新入選米芝蓮推介餐廳🤩趁復活節長假期嗰陣去咗試吓呢間金紫荊生記粤菜廳主打傳統粤菜佳餚仲有限量供應嘅懷舊手工菜而且食材係經過嚴選 絕對優質新鮮👍呢度嘅總廚洪師傅原來有30幾年高級粵菜經驗呢次真係有食福🤪🤪環境寬敞舒適 仲採用落地玻璃 呢日我哋被安排坐窗邊位置可以望到成個維港景色🌉我哋叫咗個$688 一位嘅套餐一個前菜加一個湯品五道主食 最後仲有甜品非常抵食🤔⭐️焦糖黑豚叉燒| 蔥油海蜇花| 煙燻素鵝厚切嘅黑豚叉燒 肉質煮到好腍用咗焦糖去燒 外皮夠焦香🤩中間仲伴咗一啲香甜嘅黃豆 海蜇好爽口再配上葱油素鵝同平時食開嘅唔係好同 係凍食同有一陣煙燻香味⭐️ 海藻白玉清湯湯入面有一粒好大粒白色嘅食完都估唔到係咩嚟原來係用絞碎咗嘅帶子肉製成湯好鮮甜 仲好貼心一直有個爐熱住個湯🥹⭐️薑蔥千層竹焗鮮拆波士頓龍蝦成隻龍蝦鉗 啖啖肉又彈牙用薑葱同甘蔗條炒又香又夠鑊氣更加帶出龍蝦肉嘅鮮甜⭐️ 香蔥雞油蒸馬友柳呢個真係食唔停口👍👍無諗過馬友可以咁好食新鮮嘅馬友肉好嫩滑蒸完鮮味十足再灑上雞油 香氣滿溢😮💨⭐意大利黑醋松板肉松板肉原來係豬頰接落下巴、帶脂肪層嘅肉😲肥瘦適中 用香煎嘅方法鎖住肉汁、迫
前排聽朋友講會展有間中菜新入選米芝蓮推介餐廳🤩
趁復活節長假期嗰陣去咗試吓
呢間金紫荊生記粤菜廳主打傳統粤菜佳餚
仲有限量供應嘅懷舊手工菜
而且食材係經過嚴選 絕對優質新鮮👍
呢度嘅總廚洪師傅原來有30幾年高級粵菜經驗
呢次真係有食福🤪🤪
環境寬敞舒適 仲採用落地玻璃
呢日我哋被安排坐窗邊位置
可以望到成個維港景色🌉
我哋叫咗個$688 一位嘅套餐
一個前菜加一個湯品
五道主食 最後仲有甜品
非常抵食🤔
⭐️焦糖黑豚叉燒| 蔥油海蜇花| 煙燻素鵝
厚切嘅黑豚叉燒 肉質煮到好腍
用咗焦糖去燒 外皮夠焦香🤩
中間仲伴咗一啲香甜嘅黃豆
海蜇好爽口再配上葱油
素鵝同平時食開嘅唔係好同
係凍食同有一陣煙燻香味
⭐️ 海藻白玉清湯
湯入面有一粒好大粒白色嘅
食完都估唔到係咩嚟
原來係用絞碎咗嘅帶子肉製成
湯好鮮甜 仲好貼心一直有個爐熱住個湯🥹
⭐️薑蔥千層竹焗鮮拆波士頓龍蝦
成隻龍蝦鉗 啖啖肉又彈牙
用薑葱同甘蔗條炒又香又夠鑊氣
更加帶出龍蝦肉嘅鮮甜
⭐️ 香蔥雞油蒸馬友柳
呢個真係食唔停口👍👍
無諗過馬友可以咁好食
新鮮嘅馬友肉好嫩滑
蒸完鮮味十足
再灑上雞油 香氣滿溢😮💨
⭐意大利黑醋松板肉
松板肉原來係豬頰接落下巴、帶脂肪層嘅肉😲
肥瘦適中 用香煎嘅方法鎖住肉汁、迫出油香
再配埋意大利黑醋減少油膩感
而且酸酸地好開胃
⭐芒蝦煎鮮百合淮山
我本身係唔食淮山
但呢道菜用咗芒蝦乾去點綴
淮山切到好薄煎香完夠唒爽口
估唔到又幾好食😮
⭐濃雞湯花膠手工拉麵
前面食咗咁多道菜
嚟到最尾嘅拉麵細細碗
份量啱啱好😌
雞湯好濃郁 仲有好多花膠
夠唒滋補養顏🤭
⭐桂花雪燕3.6牛乳凍配芝麻卷
最後以呢道清清哋嘅甜品作結
又香又滑嘅牛乳奶凍上面鋪滿咗雪燕🤤
懷舊黑芝麻卷充斥住芝麻香 又唔會太甜
人均價錢: $700
味道: 8.5/10
環境: 8.5/10
服務: 8/10
回頭率: 8.5/10
📍 金紫荊生記粤菜廳
地址: 灣仔博覽道1號香港會議展覽中心博覽商場
電話: 25827729
張貼
