影片
更多
2023-04-14
219 瀏覽
煮的人用心，吃的人感恩 🥰🌟 《米芝連指南》入選推介餐廳 🌟💁♀️ 金紫荊生記粵菜廳 💜行政總廚係擁有三十多年高級粵菜經驗嘅洪家種師傅👨🍳 佢曾經喺北京掌舵過百人團隊研發炮製大江南北美食佳餚😮------------------------------◤前菜薈萃◢🔹焦糖黑豚叉燒🔹蔥油海蜇花🔹煙燻素鵝前菜一送到來已經吸引我呢！畢竟係大師傅操刀嘛，必有期望嘅 🥰擺盤精美 💗 仲要有3款前菜 😀中間仲伴咗一些香甜嘅黃豆 ☺️黑豚叉燒厚切，肉質嫰腍且外皮燒得焦香 🤤仲用焦糖去燒，特別香，味道更濃甜juicy 😙海蜇花好爽又咬口素鵝用煙燻煮法，聞起嚟同食落去嘅感覺，與別不同！整體嚟講，前菜小盤已經有3種口感，覺到有誠意 💕◤湯品◢🔹龍皇杏汁燉白肺聽到個名都知係好補！😆自己本身對杏仁中式糖水就唔太好，甚至可以話怕嚟形容 (但我食杏仁粒😬)不過呢度煮嘅杏汁我竟然都接受到喎 😀同埋廚師好貼心啊 😍 呢個湯品係用個爐仔暖住架 ❤️所以唔會食食下凍哂 (可能杏汁凍咗變稠身或者豬肺質感會變)所以建議都儘快食 😊我甚少食內臟位，豬肺真係第一次食 😬 感覺豬肺烹調處理得好好，非常乾淨，感覺完全唔油或膩，食落去口感
🌟 《米芝連指南》入選推介餐廳 🌟
💁♀️ 金紫荊生記粵菜廳 💜
行政總廚係擁有三十多年高級粵菜經驗嘅洪家種師傅👨🍳 佢曾經喺北京掌舵過百人團隊研發炮製大江南北美食佳餚😮
------------------------------
◤前菜薈萃◢
🔹焦糖黑豚叉燒
🔹蔥油海蜇花
🔹煙燻素鵝
前菜一送到來已經吸引我呢！
畢竟係大師傅操刀嘛，必有期望嘅 🥰
擺盤精美 💗 仲要有3款前菜 😀
中間仲伴咗一些香甜嘅黃豆 ☺️
黑豚叉燒厚切，肉質嫰腍且外皮燒得焦香 🤤
仲用焦糖去燒，特別香，味道更濃甜juicy 😙
海蜇花好爽又咬口
素鵝用煙燻煮法，聞起嚟同食落去嘅感覺，與別不同！
整體嚟講，前菜小盤已經有3種口感，覺到有誠意 💕
◤湯品◢
🔹龍皇杏汁燉白肺
聽到個名都知係好補！😆
自己本身對杏仁中式糖水就唔太好，甚至可以話怕嚟形容 (但我食杏仁粒😬)
不過呢度煮嘅杏汁我竟然都接受到喎 😀
同埋廚師好貼心啊 😍 呢個湯品係用個爐仔暖住架 ❤️
所以唔會食食下凍哂 (可能杏汁凍咗變稠身或者豬肺質感會變)
所以建議都儘快食 😊
我甚少食內臟位，豬肺真係第一次食 😬 感覺豬肺烹調處理得好好，非常乾淨，感覺完全唔油或膩，食落去口感軟腍又滑 😋
而杏汁好香，濃度適中，感覺沒有加額外調味，味道自然，座暖咁飲用令人感覺好溫暖 🥰
◤主菜◢
🔹薑葱千層竹波士頓龍蝦
用薑葱及甘蔗條炒，食得出夠鑊氣！
龍蝦啖啖肉，肉質好彈牙，因為加咗甘蔗去炒，所以增添咗龍蝦肉鮮甜味道 😍
🔹意大利黑醋松板肉
松板肉其實豬頰接落下巴、帶脂肪層嘅肉。
端上檯嘅時候已經聞到香味！肉質半肥瘦，仲食到油香 🤤
用黑醋煮真係好夾！食落酸酸甜甜，有d似食咕嚕肉咁，但肉質軟腍d 😁👍😋
🔹香蔥雞油蒸馬友柳
呢碟係我最愛 🥇🤩
用黑白碟盛載，感覺型格！🔥
(因為屋企蒸魚只用港式地道嘅鐵碟 🤣)
馬友柳用雞油＋蔥去蒸，雞油入哂味帶出魚鮮香味，魚肉都幾滑，全塊無骨，平時唔多食魚皮嘅我，呢度都食埋 🤭
🔹火焰鹽焗雞
👨🍳 到師傅嘅表演時刻！🔥
先為鹽焗雞淋上茅台酒再點火，燒一燒香隻雞 🤩
火燒雞嘅畫面幾壯觀，大家都即刻攞哂機出嚟打卡 📸
之後用鎚仔敲碎鹽磚，取出雞後切件上檯，上檯時再淋多次茅台酒，再點火燒香！😍 嘩，成檯都充滿住酒香味，睇見未食都流哂口水喇 🤤❤️
雞肉好嫰滑又唔多肥膏 👍
🔹蝦乾梅菜蒸勝瓜
好足料！落咗好多蝦乾同梅菜去蒸，勝瓜索哂汁好入味 😋
🔹堂弄砂鍋鮑魚焗飯
👨🍳 有靚仔師傅喺食客面前，即場兜炒個飯 🤩
用砂鍋爆香蔥油，再兜炒個飯，再加調好味嘅鮑魚粒炒後再焗，一路睇佢炒，個鼻一路聞緊d香味 😌🥰
飯炒得夠乾身亦索哂汁，鮑魚粒新鮮又彈牙 💯
◤甜品◢
🔹桂花雪燕3.6牛乳奶凍 配 芝麻卷
甜品都有2款，正 🤩 黑白配咁樣 🖤🤍
奶凍好香滑，奶味夠濃！加埋爽口嘅雪燕真係一流！😍
芝麻卷做得好靚，卷皮均勻，亦感覺係低糖，唔會話好甜，搶咗牛乳奶凍嘅味 😋 面頭仲加了少許金箔點綴吸睛呢！
張貼
