鐵板燒·鑄

營業中

休息中

老公生日佢話想食鐵板燒，其實之前都有食過和三昧既鐵板燒幾次，生日想俾佢有d 不一樣既體驗，做左一輪Research 決定揀呢間米芝蓮一星既IM。訂枱星期六日lunch 要等1個月先有位都有諗過去第2間，不過最後同老公決定最後生日食其他野，遲一個月補返遲來既鐵板燒。食過就明白咁難Booking總有佢既道理。我地揀左廚師精選lunch set, 個蒸蛋既三文魚子新鮮而家量都好多，配埋滑蛋真係好味。蝦佢牛油汁，食落好彈牙，跟住個鯛魚用油炸左個魚皮，配埋紫蘇花，賣相靚得黎又好脆好滑。個炒飯又係無得輸，勁多料仲多過飯。個薄燒牛都好味，不過因為都食過和三昧又唔覺好突出。所以唔記得影相，最後仲有雪糕食。全程有人係後面serve. 感覺好周到又唔會over左。有機會會再黎試下d 貴既套餐。