雲家小鍋米線 (安寧大廈)

外賣咗碗雲家米線同幾個餸，真係抵到爛，份量巨大，招牌雲家米線大碗到可以兩三個人分黎食。兩個大碗裝滿，米線湯底分開放。湯底今次要唔辣，但都好濃味，有好多酸菜同料，味道有深度又唔算油膩。米線幼身爽彈又掛湯，好正。

雲家米線

$65

雲家米線

$65

重點係麵同餸嘅比例一比一，真係好多餸！配料包括：大大量腐竹、雞絲、螺旋草、芽菜、酸菜、韮菜、蔥、芫茜，仲有入味炆冬菇、滷水雞翼、彈牙魚春卷、香煎腸仔！淨係食餸都飽。

雲家米線

$65

仲手多多加咗$11 腩肉，真係大方到癲咗，加幾蚊俾成十塊，仲要塊塊厚肉入味，食肉獸唔好錯過。

雲家米線加腩肉

$11

難得做外賣仔，當然要加幾個招牌小食，涼拌墨魚頭爽口新，而且處理得好又唔韌，生剁蒜加秘製辣油撈勻，好惹味。

涼拌墨魚頭

$47

涼拌墨魚頭

$47

秘製豬頸肉，大大片，多汁，肉味醃得恰到好處，燒得香，有配泰式甜辣醬，非常高質素，屋企人大讚。

秘製豬頸肉

$48

醬拌皮蛋，個人最愛！個醬調得超級好食，有混合剁蒜、醬油同埋少少辣汁，用上黃金皮蛋，味道比黑色皮蛋更溫和，更配合特調醬汁，差啲成兜俾我食晒。

醬拌皮蛋

$25

2