影片
更多
2022-05-08
148 瀏覽
我好鍾意食飯🍚，尤其係日本米，所以超喜歡呢間米氣，料理菜式可以自由組合，如果我住喺紅磡就好啦，一定成為我飯堂😆今日當然係專登過嚟啦，仲係12:30前到達，所以未有人龍👍🤓米 + 主 + 冷 + 溫米都有六種味道俾你揀，我就最鍾意醬油蛋飯，生蛋黃混和米飯，香滑有滿滿蛋香；朋友就次次都食醬油金菇飯，佢應該係金菇控😝主食就揀咗豚軟骨煮、蕃茄味噌豆腐漢堡。豚軟骨味道啱啱好，唔太鹹，軟骨都煮到滑脫脫，沾上黃芥辣，非常配合。豆腐漢堡更加係心機菜，豆腐混入各種蔬菜組成漢堡，配以蕃茄味噌醬汁，有家的味道，日本料理就係有呢一份心思😋冷盆選擇係：明太子鮭魚蓮藕沙律、芝麻味噌苦瓜拌炸豆皮。前者比想像中辣，都算惹味，後者就偏淡，冇乜特別。溫食選擇係：照燒肉燥蒟蒻絲、柚子醬油煎鴨胸。蒟蒻絲煙韌，配埋肉燥，送飯一流。鴨胸好好味，加上柚子醬，清新又唔油膩。我哋冇叫甜品，淨係有CALPIS乳酸菌飲品，酸酸甜甜，醒胃。豐富滿足的午餐，必定會再來🤩
今日當然係專登過嚟啦，仲係12:30前到達，所以未有人龍👍🤓
米 + 主 + 冷 + 溫
米都有六種味道俾你揀，我就最鍾意醬油蛋飯，生蛋黃混和米飯，香滑有滿滿蛋香；朋友就次次都食醬油金菇飯，佢應該係金菇控😝
主食就揀咗豚軟骨煮、蕃茄味噌豆腐漢堡。豚軟骨味道啱啱好，唔太鹹，軟骨都煮到滑脫脫，沾上黃芥辣，非常配合。豆腐漢堡更加係心機菜，豆腐混入各種蔬菜組成漢堡，配以蕃茄味噌醬汁，有家的味道，日本料理就係有呢一份心思😋
冷盆選擇係：明太子鮭魚蓮藕沙律、芝麻味噌苦瓜拌炸豆皮。前者比想像中辣，都算惹味，後者就偏淡，冇乜特別。
溫食選擇係：照燒肉燥蒟蒻絲、柚子醬油煎鴨胸。蒟蒻絲煙韌，配埋肉燥，送飯一流。鴨胸好好味，加上柚子醬，清新又唔油膩。
我哋冇叫甜品，淨係有CALPIS乳酸菌飲品，酸酸甜甜，醒胃。
豐富滿足的午餐，必定會再來🤩
張貼
