影片
更多
2023-02-18
62 瀏覽
有一晚係油麻地搵食，行過文明里個頭見到有間裝修好靚間咖啡店，於是乎就入去試一試佢。第一個感覺，店員非常之殷勤，好抵讚。店內裝修好簡潔舒服光猛，仲要播住啲日系既動漫歌，感覺再加分。野食方面，款式唔係十分多。主打係麵食，好似係烏冬同意粉。當然佢地仲有其他小食同甜品啦，不過今次就冇叫到。味噌蟹子蟹肉蟹膏扁意粉上檯擺盤好靚，因為當時未有太多客人，所以可以幫佢影左好多相。入口好creamy，個質地好似carbonara。雖然佢應該係罐頭蟹肉，但配埋蟹膏所以個蟹味好濃，加埋蟹籽爆漿個下令到個口感好豐富。可能真係個蟹味好濃所以個味噌味道就唔算好出。整體來講係好好食。喜愛度(5分為滿分): 4全日早餐因為見到佢個全日早餐所有嘅配菜都好啱口味，於是乎忍唔住就叫咗一個全日早餐嚟試下啦。估唔到，又有驚喜喎。首先啲沙律菜好新鮮，淋左D柚子汁上去所以個味道好清新。旁邊就放咗牛油果片配左啲日式芥末籽沙律醬。煙三文魚個質素都好好，有油香同個煙熏味唔討厭。另外腸仔係日式超市買到既雞肉腸。至於有烹調過嘅，分別有蒜香買雜菌，炒得幾香。個黑松露炒蛋，松露味好香炒蛋亦都好滑唔老，做得十分之好。最驚喜個位係個牛角包，鬆軟，好有
味噌蟹子蟹肉蟹膏扁意粉
上檯擺盤好靚，因為當時未有太多客人，所以可以幫佢影左好多相。入口好creamy，個質地好似carbonara。雖然佢應該係罐頭蟹肉，但配埋蟹膏所以個蟹味好濃，加埋蟹籽爆漿個下令到個口感好豐富。可能真係個蟹味好濃所以個味噌味道就唔算好出。整體來講係好好食。
喜愛度(5分為滿分): 4
全日早餐
因為見到佢個全日早餐所有嘅配菜都好啱口味，於是乎忍唔住就叫咗一個全日早餐嚟試下啦。估唔到，又有驚喜喎。首先啲沙律菜好新鮮，淋左D柚子汁上去所以個味道好清新。旁邊就放咗牛油果片配左啲日式芥末籽沙律醬。煙三文魚個質素都好好，有油香同個煙熏味唔討厭。另外腸仔係日式超市買到既雞肉腸。至於有烹調過嘅，分別有蒜香買雜菌，炒得幾香。個黑松露炒蛋，松露味好香炒蛋亦都好滑唔老，做得十分之好。最驚喜個位係個牛角包，鬆軟，好有牛油香，唔似係D放左好耐既牛角包。
喜愛度(5分為滿分): 4.5
Dirty
飯後啡就叫左一杯Dirty。聞落有淡淡既煙熏味，飲落去第一個感覺係好Nutty，有榛子嘅味道，幾有層次。好飲。可惜係店員冇介紹呢杯咖啡用乜嘢豆去沖製。下次會主動問下。
喜愛度(5分為滿分): 3.5
張貼
