Hosea (已結業)

我今日同阿媽行過九龍城，想買大閘蟹食，大閘蟹未買到，就先肚餓，行到見到依間餐廳門口感覺好清新，就決定入去試下。門口係自動化電子木門，一入到去，成間舖頭都係簡約木質裝修，近門係落地大玻璃，採光度好高，成間店舖感覺好文青，比人舒服嘅感覺。香焗英國嫩豬柳伴焦糖菠蘿賣相好靚，估唔到仲好好食。一刀切落去，豬柳好軟腍，一啲都韌，去買果汁食，味道剛剛好。焦糖菠蘿酸酸甜甜，食落好醒神開胃，夾埋豬柳食，好配合！伴碟嘅薯角香脆可口，外脆內軟，翠玉瓜都係炒過嘅，爽口味美。香煎三文魚柳伴帶子刁草忌廉汁三文魚魚皮，煎得外皮脆脆的，肉質細嫩鮮味，食到三文魚嘅鮮。帶子彈牙，食落有口感。配刁草忌廉汁食，清新好吃。伴碟嘅薯蓉好香滑，有入口即溶嘅感覺。餐湯：薯仔湯餐湯幼滑，飲落仲有啲洋蔥粒同薯仔粒，並加入忌廉，美味有口感。餐飲：蜂蜜柚子茶蜂蜜柚子茶熱辣辣送來 ，清甜可口，正好為今日涼風送爽嘅日子添上溫暖。店員話餐牌係每星期更換，好有誠意。