影片
更多
2018-12-19
121 瀏覽
同女朋友去睇戲同埋食晚飯，見到呢間餐廳好得意就入去試下。餐廳細細，所以座位都有少少迫，加上每個套餐都有兩個碗，擺埋嘢飲就無曬位喇。佢有好多款配搭，搞到我有少少選擇困難症發作。女朋友揀咗沖繩蒸餃子配蕃茄烏冬($68)個烏冬就係得蕃茄同一片竹輪，無其他餸。份量都算多嘅。餃子不過不失。我揀咗椰子咖哩炊飯配粟米雞($82)咖哩飯軟淋淋，好重口味。粟米雞炸到好香口，加埋啲沙律醬好好味，側邊仲有啲無味伴菜。個餐包埋甜品，啱曬我女友。海鹽焦糖冬甩雪糕。冬甩皮脆內軟，加埋雪糕真係又幾好食喎。跟餐有嘢飲。熱黑糖檸檬茶，即係普通熱檸茶，然後畀樽黑糖你自己加。見到隔離枱嘅凍黑糖檸檬茶，即係普通凍檸茶自己加啲黑糖糖漿落去。
佢有好多款配搭，搞到我有少少選擇困難症發作。女朋友揀咗沖繩蒸餃子配蕃茄烏冬($68)
個烏冬就係得蕃茄同一片竹輪，無其他餸。份量都算多嘅。餃子不過不失。
我揀咗椰子咖哩炊飯配粟米雞($82)
咖哩飯軟淋淋，好重口味。粟米雞炸到好香口，加埋啲沙律醬好好味，側邊仲有啲無味伴菜。
個餐包埋甜品，啱曬我女友。海鹽焦糖冬甩雪糕。冬甩皮脆內軟，加埋雪糕真係又幾好食喎。
跟餐有嘢飲。熱黑糖檸檬茶，即係普通熱檸茶，然後畀樽黑糖你自己加。見到隔離枱嘅凍黑糖檸檬茶，即係普通凍檸茶自己加啲黑糖糖漿落去。
張貼
