241
126
91
等級1
1
0
簡直浪費金錢
2016-08-05 1395 瀏覽
呢間餐廳上次其實食過之後，我自己已經ban咗唔會再嚟，不過因為老豆鐘意，加上老媽子生日，所以再試下過嚟食啦。我自己本身好鍾意食牛扒，一去西餐廳，我嘅首選一定係食扒，所以我都食過唔少平，貴，同好貴嘅扒。咁當然我今日都係揀$232嘅安格斯牛扒，個侍應問我要幾成熟，諗住叫6成，但係有鑑於呢類型嘅餐廳唔同高級扒房，幾多成熟真係未必掌握到，所以叫5成，起碼唔會過熟先啦。咁配菜嘅麵包，湯同沙律其實ok嘅，可能呢d真係唔係難整，所以照道理都唔會難食。而我老豆就叫西冷牛扒，叫咗唔要鐵板上，好啦，等咗一陣，佢哋d嘢食已經嚟晒，而我嗰份唔知去咗邊，等咗好耐先見到尊貴嘅安格斯牛扒，本來滿心歡喜，拎起把刀，切落去，嘩！成件扒係well done，已經遲出，仲要已經唔係鐵板上，竟然係well done，真係非常離譜。即刻叫侍應過嚟，同佢講件扒well done喎，比佢望完，佢叫我中間切開比佢睇下，講真我食過咁多扒，真係一望就知道全件扒都已經係well done。不過佢叫到，我都切開比佢望，佢一望完就話可能師傅失手，再去整過一份比我（第一塊個樣唔錯）。好啦，終於等到第二塊嚟，個樣黑麻麻咁，切開係介乎4成左右熟，過
更多
呢間餐廳上次其實食過之後，我自己已經ban咗唔會再嚟，不過因為老豆鐘意，加上老媽子生日，所以再試下過嚟食啦。我自己本身好鍾意食牛扒，一去西餐廳，我嘅首選一定係食扒，所以我都食過唔少平，貴，同好貴嘅扒。咁當然我今日都係揀$232嘅安格斯牛扒，個侍應問我要幾成熟，諗住叫6成，但係有鑑於呢類型嘅餐廳唔同高級扒房，幾多成熟真係未必掌握到，所以叫5成，起碼唔會過熟先啦。咁配菜嘅麵包，湯同沙律其實ok嘅，可能呢d真係唔係難整，所以照道理都唔會難食。而我老豆就叫西冷牛扒，叫咗唔要鐵板上，好啦，等咗一陣，佢哋d嘢食已經嚟晒，而我嗰份唔知去咗邊，等咗好耐先見到尊貴嘅安格斯牛扒，本來滿心歡喜，拎起把刀，切落去，嘩！成件扒係well done，已經遲出，仲要已經唔係鐵板上，竟然係well done，真係非常離譜。即刻叫侍應過嚟，同佢講件扒well done喎，比佢望完，佢叫我中間切開比佢睇下，講真我食過咁多扒，真係一望就知道全件扒都已經係well done。不過佢叫到，我都切開比佢望，佢一望完就話可能師傅失手，再去整過一份比我（第一塊個樣唔錯）。好啦，終於等到第二塊嚟，個樣黑麻麻咁，切開係介乎4成左右熟，過於偏生，果然都係掌握唔到，可能你哋會話我太挑剔，不過呢塊真係過份生。其實我估計係因為第一塊well done，所以師傅喺第二塊唔敢煎咁耐（或者已經有少少唔多gur），所以好hea咁整咗第二塊。但咁生又真係食唔到，同埋塊扒唔係安格斯，應該係牛柳嚟，因為陣味同個樣係唔同。當然啦，經理點都唔會話唔係安格斯牛扒，所以唯有我只好叫佢cancel order，雖然佢話幫我叫師傅lag一lag塊扒再比我，但係怕一陣又會變咗well done，所以唔博。Anyway，我過程中其實都好冷靜，而個經理都好肯配合，不過可惜係本身個食物質素唔得，所以點整都係差。個人意見，如果要比232食呢個咁嘅安格斯牛扒，我會prefer大家去marketplace買扒返去自己煎，都會好的過呢間嘢。因為我自己都間唔中買扒返去自己煎。又或者寧願俾多少少錢，去Ruby Tuesday食都好食過呢間。
(以上食評乃用戶個人意見 , 並不代表OpenRice之觀點。)
  • 推介
    已推介
  • 檢舉
張貼
評分
味道
環境
服務
衛生
抵食
用餐日期
2016-08-05
用餐途徑
堂食
人均消費
$300 (晚餐)
慶祝紀念
生日