杏花小館

營業中

休息中

平時都好鍾意食上海嘢, 今次經過就即管試下呢間小店。餐廳環境比較樸素, 有家嘅感覺, 食物亦都的確好有自家製嘅味道。店主亦都好友善, 見到佢會自己親手包餃子同雲吞。今次第一次去就試試呢度嘅秘製花雕醉雞, 仲有叫咗個擔擔麵。個醉雞店主咁啱畀咗隻雞髀我, 個調味啱啱好,好芳香, 係食到個酒味但又唔會太濃或者太膩。個擔擔麵都好食,個湯係每日新鮮淆製, 幾creamy,食到個豬骨味同花生味, 同樣都唔會太濃。冇咩味精味,係健康自家製嘅選擇。