再興燒臘飯店

營業中

休息中

嚟到再興，嗰種感覺真係完全感受到店舖嘅節奏有幾咁緊張，我奉勸有心去再興光顧嘅人一句(尤其係堂食)，食完飯真係唔好諗住閒坐吹水，因為呢度坐位嘅供應真係相當緊張，講番食品方面～燒味及滷味嘅款式都好多，我原本諗住叫肥叉牛飯，但發現如果要雙拼係貴好多，於是到最後就只係叫咗個牛飯，牛味道OK，飯粒亦都煲得幾靚，但好味汁嘅味道比較偏淡，同時～唯一失色嘅係冇蒜頭醋用嚟點牛，至於例湯方面～的確係滾熱辣，我個人建議，如果嚟食飯嗰陣時有叫例湯嘅，就應該第一時間將碗湯完全飲完先至好食飯，因為當等到食完飯先至飲嘅話，碗湯就會凍哂，例湯一定係要滾到燙喉先至係最好飲！