影片
更多
2021-10-13
5203 瀏覽
話說3月嘅某日睇咗個youtuber 介紹呢間位於尖沙咀凱悅酒店嘅Weekend Brunch，就二話不說拎起咗個電話訂枱👀 點知最快都要等到8月先有得食！ 誇張到呢！我哋足足等咗5個月先有位呀！🤯個brunch 由11:30-15:00，基本上大部分人都係11:30入咗座，每位成人$755另加一，仲包咗任飲果汁同餐茶一杯，我嗰日就有橙汁、番石榴汁同西柚汁揀。成個brunch 分咗4個部份，頭盤自助餐、湯、主菜、甜品及糕點自助餐💁🏻♀️Hugo’s嘅裝修俾我嘅感覺係古典雅致嘅歐陸餐廳⚜️ 整體佈局以木色系為住天花用橫樑搭成，加上簡約而不失格調嘅吊燈，俾人一種懷舊嘅感覺🕰 半自助餐嘅自助區主為L型嘅設計，分別為冷盤沙律區同甜品區。❤️ 冷盤沙律自助區呢個區嘅選擇可以話係簡而精，而且refill 速度迅速，好少出現俾人攞哂得返吉盤嘅情況👌🏻☞︎ 凍蝦：蝦夠哂彈牙，亦都新鮮，如果可以再鮮甜啲就好喇🤭☞︎ 龍蝦：Size雖然望落唔係大隻，但佢顏色好白滑肉質亦都好結實🦞☞︎ 龍蝦鉗：比起龍蝦更鮮甜，而且全部都鉗開哂一半非常方便去食，咁多海鮮之中最鍾意呢個😙☞︎ 生蠔：今日食嘅係法國嘅fine de clai
個brunch 由11:30-15:00，基本上大部分人都係11:30入咗座，每位成人$755另加一，仲包咗任飲果汁同餐茶一杯，我嗰日就有橙汁、番石榴汁同西柚汁揀。成個brunch 分咗4個部份，頭盤自助餐、湯、主菜、甜品及糕點自助餐💁🏻♀️
Hugo’s嘅裝修俾我嘅感覺係古典雅致嘅歐陸餐廳⚜️ 整體佈局以木色系為住天花用橫樑搭成，加上簡約而不失格調嘅吊燈，俾人一種懷舊嘅感覺🕰 半自助餐嘅自助區主為L型嘅設計，分別為冷盤沙律區同甜品區。❤️ 冷盤沙律自助區
呢個區嘅選擇可以話係簡而精，而且refill 速度迅速，好少出現俾人攞哂得返吉盤嘅情況👌🏻
☞︎ 凍蝦：蝦夠哂彈牙，亦都新鮮，如果可以再鮮甜啲就好喇🤭☞︎ 龍蝦：Size雖然望落唔係大隻，但佢顏色好白滑肉質亦都好結實🦞
☞︎ 龍蝦鉗：比起龍蝦更鮮甜，而且全部都鉗開哂一半非常方便去食，咁多海鮮之中最鍾意呢個😙
☞︎ 生蠔：今日食嘅係法國嘅fine de claire, 屬於比較細隻薄身嘅，雖然細細隻但味道先鹹後甜，唔係重鐵味嗰啲，口感爽口，品質都唔錯🦪
☞︎ 鵝肝慕絲配時令果醬：鵝肝味比想像中無咁濃可能比啲果醬溝淡咗啲味，不過兩者好夾，我都忍唔住再攞多一個😆
☞︎ 煙三文魚：呢個煙三文魚係自家醃製，顏色比平時自助餐食嘅更橙紅，亦都好有光澤，食落有魚油香味但略嫌鹹香味太濃。
☞︎ 仿魚子醬：第一次食好似啲鹹鹹哋嘅啫喱粒咁，口感上未能以假亂真，不過都幾得意🤣
☞︎ 西班牙火腿：呢個就正正常常啦～
仲有龍蝦仔同沙律區冇食到，留返個胃食下一道菜。
❤️ 湯+餐包
嚟到第二部分，今日嘅餐湯係南瓜湯，不過呢間餐廳最出名係龍蝦湯💁🏻♀️ 我覺得餐廳可以考慮吓俾顧客加錢轉湯，因為我真係好想試。不過南瓜湯都好濃味，飲完已經飽咗一大半🤭
另外，不得不提嘅係佢啲餐包係非常之高質，一放低已經聞到香噴噴嘅麵包香，食落麥味都好香！我見好多枱都會將食唔哂嘅麵包打包..我哋蠢咗，俾個職員收走咗..😅❤️ 主菜
主菜一共有七款，每人揀一款，嚟呢度一定要叫佢最出名嘅燒美國牛肋骨肉啦！🤩
仲有職員喺你面前即場切個prime ribs！prime ribs 非常軟腍，牛味好重，而我哋叫medium rare 色澤好靚！伴隨prime ribs 上碟嘅有個巨型空心波波，食落好似鬼佬版油炸鬼。
仲有一大舊焗薯仔同菜！衰鬼🙊 樣樣都咁好味真係好難忍口！💕❤️ 甜品及糕點自助餐
當飽到上喉嚨之際，職員就送上焗疏乎厘，呢個每人一客，今日隻味係我最愛嘅hazelnut!
另外出面仲有甜品buffet，但我除咗水果已經咩都食唔落喇…🤰🏻餐廳推薦度：⭐️⭐️⭐️⭐️ (4/5)
呢度無論環境、服務同食物都令我哋非常滿意，呢個半自助餐適合大胃王嚟食吓，如果好似我咁細食嘅女士唔想辛苦自己嘅話，其實佢哋個weekday lunch menu 都可以一試，亦都有我推介嘅prime ribs 㗎！
張貼
