影片
更多
2019-04-14
679 瀏覽
其實，我不嬲都好少比劣評！今次真係唔寫唔得！話說星期六屋企人生日，一心諗住食牛角。見佢出左個9點後半價/7折優惠，想9點後入座食牛角。我8點10分係app拎左6位飛，下一張格已經到我地。我地大約8:20左右到店門口，眼見大約10人企左係門口，心諗都應該好快。點知等到9點，C飛郁都無郁。我走左去問職員，職員叫係回答我等下。同時，都有拎B飛（3-5人）既人開始嘈，問佢地做咩唔叫B飛。咁岩，我見到有6人賣單出左黎，我就問職員下張係咪到我。佢竟然話唔係，岩岩出黎係4人。我真係呆左🙄 都算啦！9:15pm 左右，呢個時候職員開始叫B飛，我就問佢你放到咁多B飛，C飛真係無位？如果真係無，同我講，起碼我地唔洗等落去，去第2度食。之後佢竟然答我：「有張大枱食緊雪糕。」大佬，我唔係要知道佢地做緊咩，起瑪比我地知道佢地食完雪糕食枱係咪會比我地坐！！！！係我屋企人討論緊應唔應該再等之時，我又問職員：「食完雪糕果張枱既人賣單，係咪到我地？我要知道係要決定等唔等落去！！」職員答：「果張枱我地會拆2人-4人，所以應該都要等好耐！」我：「.....」點解你答我客人食緊雪糕既時候，做咩唔同我講你會拆枱？即係我唔再追問
話說星期六屋企人生日，一心諗住食牛角。見佢出左個9點後半價/7折優惠，想9點後入座食牛角。
我8點10分係app拎左6位飛，下一張格已經到我地。我地大約8:20左右到店門口，眼見大約10人企左係門口，心諗都應該好快。
點知等到9點，C飛郁都無郁。我走左去問職員，職員叫係回答我等下。同時，都有拎B飛（3-5人）既人開始嘈，問佢地做咩唔叫B飛。咁岩，我見到有6人賣單出左黎，我就問職員下張係咪到我。佢竟然話唔係，岩岩出黎係4人。我真係呆左🙄 都算啦！
9:15pm 左右，呢個時候職員開始叫B飛，我就問佢你放到咁多B飛，C飛真係無位？如果真係無，同我講，起碼我地唔洗等落去，去第2度食。之後佢竟然答我：「有張大枱食緊雪糕。」大佬，我唔係要知道佢地做緊咩，起瑪比我地知道佢地食完雪糕食枱係咪會比我地坐！！！！
係我屋企人討論緊應唔應該再等之時，我又問職員：「食完雪糕果張枱既人賣單，係咪到我地？我要知道係要決定等唔等落去！！」職員答：「果張枱我地會拆2人-4人，所以應該都要等好耐！」我：「.....」
點解你答我客人食緊雪糕既時候，做咩唔同我講你會拆枱？即係我唔再追問，我地白白係度等，最終都無枱比我地，你做咩唔早講，等我地可以選擇食其他野！！！其實呢個係帶位果位小姐既問題？定牛角公司制度問題，聽講等位呢個問題都唔係第一次發生，點解開左咁耐都唔改善下。
之後我地走左去元氣食。我地6人要求坐卡位，職員都會清清楚楚講明等卡位要等第2張，起碼主動比我地知等位情況！！之後見到有客人賣單，亦都主動講我地聽抹緊枱啦，好快到我地！咁樣既帶位先叫稱職！
麻煩牛角要改善下呢個問題，希望有日我會對你地既服務覺得有改善而幫襯你地！謝謝！
張貼
