蘭苑饎館

營業中

休息中

好奇怪，每一次嚟呢度都係食小菜套餐，從來都冇試過話嚟食龜苓膏或飲涼茶...今次又係煲仔套餐，來個南乳蒜香雲耳栗子排骨煲...又係一如既往，即叫即做。即使我係第一個客落order嘅，都等咗差唔多成二十五分鐘先嚟...真係等到瞌着咗...幸好，煲仔夠新鮮熱辣(真係熱到辣親手)，當堂醒晒。南乳及蒜味皆濃，排骨份量亦夠；稍嫌鹹咗DD，而栗子亦未炆至於入口即化...但白飯/ 米粉任食，例湯小菜又無味精添加，所以間唔中都會走返嚟食食ge...