影片
更多
2023-05-06
3250 瀏覽
第一樣要講既，係餐廳環境夠晒大，但係唔明點解唔善用好啲地方，要將啲冷盤放晒喺三個三層既雪櫃入面，當前面有人攞緊凍海鮮的話，上層既前菜就被擋住攞唔到，而且每個種類份量都好少，當幾個人攞完已經得返啲水尾，冇晒胃口，完全唔似一間酒店，好似一間工廠大廈樓上鋪火鍋店嗰啲感覺。其實睇返啲相，食物既種類都唔算少，但係當時因為攞唔到雪櫃入面既食物，佢地又refill 得慢，所以好多種類都冇食過，感覺上就冇乜野食。第二樣好重要既，就係蠔，餐廳既然係講明蠔任食，就唔應該搵一個開蠔開得咁慢既人黎開，已經每次只可以攞兩隻蠔，仲要得一個人開蠔洗蠔，仲要佢開一隻蠔開成幾分鐘，攞兩隻蠔排成十分鐘，都未見過一間自助餐，由開始到完結前半個鐘，都仲係一條龍咁排隊攞蠔。隔離刺身早佢半粒鐘都冇人再攞，已經食夠。排隊期間，餐廳既經理都見到過幾次大排長龍，但係都冇解決到，只係埋黎叫吹緊水既開蠔阿姐快手啲，而唔係換人或者搵多個人黎幫手，其實開蠔點解唔搵個大力少少既男人黎負責？餐廳係咪專登搵個唔夠力既開慢啲，等啲客自動放棄呢？其實做得任食既就唔好咁小家啦，食得你幾多蠔呀。第三樣就係甜品，佢放喺雪櫃內，要叫師傅攞，當時睇到係一件件裝飾
第二樣好重要既，就係蠔，餐廳既然係講明蠔任食，就唔應該搵一個開蠔開得咁慢既人黎開，已經每次只可以攞兩隻蠔，仲要得一個人開蠔洗蠔，仲要佢開一隻蠔開成幾分鐘，攞兩隻蠔排成十分鐘，都未見過一間自助餐，由開始到完結前半個鐘，都仲係一條龍咁排隊攞蠔。隔離刺身早佢半粒鐘都冇人再攞，已經食夠。排隊期間，餐廳既經理都見到過幾次大排長龍，但係都冇解決到，只係埋黎叫吹緊水既開蠔阿姐快手啲，而唔係換人或者搵多個人黎幫手，其實開蠔點解唔搵個大力少少既男人黎負責？餐廳係咪專登搵個唔夠力既開慢啲，等啲客自動放棄呢？其實做得任食既就唔好咁小家啦，食得你幾多蠔呀。
第三樣就係甜品，佢放喺雪櫃內，要叫師傅攞，當時睇到係一件件裝飾左既蛋糕仔，但係攞比你既就係冇裝飾既蛋糕仔，原來櫃裡面放前面既就係裝飾品，佢攞比你既就係喺後面用保鮮紙包住冇做裝飾既真品，真失望，而且蛋糕做得比較甜。
雖然有好多唔滿意既地方，亦都令我覺得唔似食緊自助餐，但係有彈有讚，佢既凍海鮮質素唔錯，有鮮味，食得過，有牛西冷同羊脾扒，味道都好，其他熱盤味道都唔差。工作人員都很有禮貌，換碟都快。
總括黎講，食物質素係可以的，希望餐廳可以參考一下其他餐廳，唔用個凍櫃轉返用檯，同埋改善開蠔檔既速度同refill 食物既速度。
牛西冷
128 瀏覽
0 讚好
0 留言
美國蠔
123 瀏覽
0 讚好
0 留言
張貼
