茶啡檔

營業中

休息中

茶啡檔今次係我第二次回訪呢間茶餐廳，一到中午佢哋勁多人幫襯，簡直係全場爆滿，外賣單都超多，做到每個店員都停唔到手，證明味道超唔錯，輪椅人士如果要入去食嘅話，就要自備斜板，入面空間唔算闊落，但店員無論幾忙都好，都會盡量安排合適位置比輪椅人士入去進食，呢樣野值得讚！1.焗蕃茄雞扒飯+凍檸茶$58（9.5/10）呢個焗蕃茄雞扒飯個飯係炒飯底，今次唔記得叫「大火」，食唔到飯焦炒飯，蕃茄唔會好酸，蕃茄果肉都有四件，估計放咗一舊蕃茄，雞扒煎得好香，雞扒肉質嫩滑，掂！飲品叫咗凍檸茶，檸檬都放得幾多，放咗4片檸檬，唔會太酸，茶味唔會太出，好飲！2.吉列豬扒配田園沙律（沙律醬）+凍檸蜜$58（9.5/10）呢碟吉列豬扒配田園沙律真係好大碟，吉列豬扒有成人手掌咁大，炸得好脆，炸粉唔算多，豬扒唔會韌，沙律菜新鮮多汁，仲有番茄仔同炸麵包粒，我仲揀咗芝麻醬，其實有兩種醬可以比人揀，芝麻醬同黑醋醬或無醬比人揀，下次再經過粉嶺試下黑醋醬先！飲品叫咗凍檸蜜，呢杯檸蜜唔會太甜，檸檬有2片，幾好飲！2人總共價錢$116個人口味總評分：9.5/10@t_cafe_fanling   地址：粉嶺聯和墟聯安街47-49號寶昌大