影片
更多
2018-01-03
132 瀏覽
新泰東南亞美食今日晏晝同朋友去灣仔食lunch，朋友比較鍾意食東南亞嘅食品，特別係無辣不歡，所以就揀咗盧押道嘅新泰東南亞美食。呢度有除咗有泰國嘢食，仲有越南嘅食品，好似選擇都幾多，所以大家就揀咗呢度。午市套餐都幾抵， ＄75有七款嘅選擇，仲奉送咖啡或茶，仲可以升級加＄28可以選擇越南蝦米紙卷、青木瓜沙律、同埋飛天通菜。最後大家叫左星馬咖喱雞配白飯同泰式蝦炒金邊粉。午餐嘅份量都幾大份，一個人食絕對夠飽，越南蝦米紙卷，總共有四件，米紙卷都幾軟身，隻蝦雖然唔係新鮮蝦，但係都幾爽口。整體不錯。冬陰公湯細$78呢個湯嘅份量比想像中少，大概只有兩碗左右，入邊仲有一隻已開邊嘅蝦，夠晒辣，再配合埋香茅，同埋其他香草，所以好惹味。肉碎生菜包 $78生菜包好特別，除咗有豬肉或雞肉生菜包，仲有鴨肉、魚肉生菜包， 魚肉生菜包就係眾多選擇之中最貴嘅一款。我哋特別叫咗鴨肉嘅生菜包，未到比雞肉或豬肉更濃，山菜大概有六至＄8左右，都好翠綠，肉碎炒得香口， 亦都好乾身，值得一試。泰珍珠椰菜苗炒香菇＄82除咗椰菜苗之外，亦都有香菇，成個炒菜都比較少油，健康之選。泰式甜品拼盤。大$148本來想買個蛋糕俾朋友，但餐廳要收＄5
今日晏晝同朋友去灣仔食lunch，朋友比較鍾意食東南亞嘅食品，特別係無辣不歡，所以就揀咗盧押道嘅新泰東南亞美食。呢度有除咗有泰國嘢食，仲有越南嘅食品，好似選擇都幾多，所以大家就揀咗呢度。
午市套餐都幾抵， ＄75有七款嘅選擇，仲奉送咖啡或茶，仲可以升級加＄28可以選擇越南蝦米紙卷、青木瓜沙律、同埋飛天通菜。最後大家叫左星馬咖喱雞配白飯同泰式蝦炒金邊粉。午餐嘅份量都幾大份，一個人食絕對夠飽，越南蝦米紙卷，總共有四件，米紙卷都幾軟身，隻蝦雖然唔係新鮮蝦，但係都幾爽口。整體不錯。
冬陰公湯細$78
呢個湯嘅份量比想像中少，大概只有兩碗左右，入邊仲有一隻已開邊嘅蝦，夠晒辣，再配合埋香茅，同埋其他香草，所以好惹味。
肉碎生菜包 $78
生菜包好特別，除咗有豬肉或雞肉生菜包，仲有鴨肉、魚肉生菜包， 魚肉生菜包就係眾多選擇之中最貴嘅一款。我哋特別叫咗鴨肉嘅生菜包，未到比雞肉或豬肉更濃，山菜大概有六至＄8左右，都好翠綠，肉碎炒得香口， 亦都好乾身，值得一試。
泰珍珠椰菜苗炒香菇＄82
除咗椰菜苗之外，亦都有香菇，成個炒菜都比較少油，健康之選。
泰式甜品拼盤。大$148
本來想買個蛋糕俾朋友，但餐廳要收＄50切餅費，都幾唔抵喎。不如叫一個大甜品拼盤啦，加少少心思，插上生日牌，立即變成一個好有特色嘅甜品拼盤。
講返食物，每樣甜品都有三件，剛剛好每人一件。芒果糯米飯，上檯時候仲係冒着煙，不過黑糯米就較為軟身一點，椰汁糯米則較硬。其餘甜品都好好味，特別係拉耶糕，有嚼勁又有椰香， 唔算太甜呢。
張貼
