八天堂 (創紀之城五期(apm))

營業中

休息中

心太軟係涷嘅 入面唔識流心 勁難食！就好似係雪櫃到拎岀來就咁解凍食唔叮個種！！食左第一啖就難以下咽，同店員講係涷嘅個店員仲要話佢地個心太軟就係咁，因為中間要係流心，所以唔會係熱嘅？但算唔係熱嘅但你個心太軟都冇流心啦！入面啲朱古力醬仲係凝固嘅！態度勁差！話換個第二樣啦，我地嘅心太軟就係咁！係咪當人未食過心太軟？食過咁多間甜品，就算係比較舊式嘅中西式糖水舖，一向都係熱辣辣嘅中間朱古力醬都照樣會係流漿咁流出嚟，再配雪糕一涷一熱先叫心太軟。唔該唔好打住日式甜品嘅旗號呃人啦，就算apm行街行到攰都唔建議係呢間求其食啲野坐下hea下！求其一樣都好難食！！咁嘅價錢仲有好多選擇後尾求其換左個抹茶蛋卷都係$58我想講chateraise $16一個嘅抹茶蛋卷仲好食其實想退錢，已經唔想再食呢到仼何一樣野。比錢食垃圾，但廢事，橫掂冇下次。平時遇到難食嘅都唔會打食評。但呢次個店員態度咁差仲當人傻仔咁講埋歪理，我真係冇聽過因為心太軟要流心所以係唔熱嘅甚至係涷。希望大家唔好中伏。