八天堂 (創紀之城五期(apm))

見張半年期限的儲分卡就快到期，所以去吃了個午餐，順便換免費雪糕。今日吃燒牛肉溫泉蛋烏冬，都算不錯，牛肉份量夠，只是湯底稍為醎了點，烏冬係彈牙嘅，整體可說是不過不失吧！綠茶雪糕，我覺得和m記不差太遠，免費換來當然無話可說了。…查看更多

抹茶愛好者朋友介紹全部都係抹茶甜品我個朋友見到之後眼都發曬光抹茶 味道不算太濃味道剛剛好唔會苦澀味反而朋友嫌棄唔夠濃味哈哈再濃應該就苦啦紅豆味道反而非常甜配合起上嚟穩妥係甜～甜品白玉 非常煙韌配上滑滑雪糕口感非常 豐富舖頭細細間竟然都有卡位…查看更多

八天堂 (創紀之城五期(apm)) 呢間八天堂喺apm屹立咗好多年，週末晚上唔知食咩好，睇下menu好似幾吸引就扑鎚入去喇有一點幾重要，因為呢度講到明冇加一，所以無論係拎餐、收拾餐盤、清理檯面都要客人自己做。首先我係覺得呢樣嘢冇問題嘅，規矩講到明客人係應該要配合，但係我坐過張枱可能上手客人唔自律，成個檯面都係搣碎咗嘅收據，冇職員嚟清理亦都冇其他吉位，咁我唯有自己撥開佢喇。基本套餐都係跟一杯熱茶同埋蕨餅。鰻魚茶漬飯（$8X）鰻魚普通，唔肥美，唔大件，就係超市冷藏鰻魚嘅質素，配一杯白飯，另外有紫菜碎同埋wasabi。絕對唔係難食，但真係好普通好細份。會欣賞嘅就係茶壺同埋飯碗嘅質感好好，好日本feel。明太子忌廉意粉（$7X）都係嗰句。稱唔上難食，但真係好普通好細份，啱曬小鳥胃，我正常食量就覺得唔係啲夠喉🤧全餐飯最好食就係蕨餅！口感煙韌，味道清甜，唔似得一啲放題雪到硬掘掘，一咬就散。其實舖頭個氣氛幾chill，燈光昏昏暗暗，餐具方面佢提供嘅係木筷子木匙羹木叉，但茶壺同埋飯碗嘅質感係幾高質。如果係完全唔注重cp值嘅人，可以去試下…查看更多

1）落單同睇menu都係食門口做哂先入座，冇人會帶位，全部野self-serve，連拎餐點都係。2）食物份量少，我本身已經係一個細食既人，食完都好似冇食過咁。3）食物味道正常，sukiya，或者吉野家會比較好食。4）食完要自己拎返餐盤出去。80幾蚊一個餐，但就連茶餐廳都不如。呢個價錢同服務不如去隔離food court食。好難想象佢係一間獨立鋪位但係做到好似food court咁。強烈建議大家唔好比佢個靚靚餐牌呃到，空有其表。…查看更多

經過apm 諗住試下晚餐叫左1份燒錆魚茶漬飯 再加19蚊飲凍黑糖牛奶珍珠焙茶入到去原來係自己搵位自己拎同執枱但呢個價錢都唔算平唔叫特飲都要7x-8x見到有人冇執枱個職員即刻罵個客黎到個飯同我講冇晒茶壺求其搵個紙杯裝住就算咁一開始落單個陣就話冇啦望一望只係放個茶包個飯份量勁少同埋比隻木匙羹都裝唔到幾多飯飲品完全冇焙茶味飲落似普通既珍珠奶茶雖然間舖冇收加一但都算貴去food court 食冇咁嬲食完冇下次…查看更多