鼎泰豐

營業中

休息中

老公放工話想食小籠包, 附近無乜邊間好食, 喱間又未試過, 咁就試吓啦。小籠包: 皮其實唔夠翡翠咁薄, 但味道都可以。醉雞:酒味夠濃, 雞亦夠滑。豆乾馬蘭頭:我自己好鍾意食, 切得夠細碎, 但又好有咬口, 調味亦香。清湯燉雞麵:味道偏淡, 湯夠清, 無乜特別。紅油抄手:比較失望嘅一道菜, 無乜辣味, 而且偏甜。整體味道可以, 下次想食醉雞都會再嚟嘅。但店鋪衛生方面真係要讚, 每次有客人走都會即時用消毒酒精噴櫈同枱面, 令食客真係感到安心。