迷客夏 (AIRSIDE)

營業中

休息中

今日行過airside迷客夏見無乜客，但啲員工完全唔理人剩係掛住沖野飲，都等左一段時間先落到單，買左2杯野飲，分別係珍珠黑糖鮮奶和芋圓芋泥鮮奶，然後啲員工係完全無抹杯，杯外都係濕住咁放落膠袋，成個袋都濕哂，咁我都無特別睇杯野飲嚟檢查，點知返到屋企一望芋圓芋泥鮮奶嗰杯係無左上面五分一，唔講以為比人偷飲左，但見包裝又完整。本身都諗住落住大雨廢是出去，但最後都拎左返去換，點知拎到返去個員工仲堅持話係無問題，同我講走冰係唔會滿杯，係會無左五分一，咁我反問點解我另一杯都係走冰但係係正常嘅，佢先死死氣去整過，點知見到佢諗住就咁搣開個蓋倒返啲奶落去就算，衛生意識欠佳，最後我要求下先重新整過比我，仲要全程無道歉過。本身已經要我專登行多轉換，見到佢咁嘅態度就更加嬲。🥵我之前都成日買迷客夏，見迷客夏其他分店嘅質素唔錯，但airside 呢間分店員工明顯欠缺training，態度惡劣，又完全無抹杯。其實間唔中出錯都好正常，但態度咁差堅持自己無錯真係唔係好要得今次真係比錢買難受