TOKENYO韓式烤肉料理

營業中

休息中

康城終於有韓國野食，平日中午去有套餐，點咗牛肋骨配飯（$88）+炸雞小食（$18），連飲品加一共$117先嚟炸雞，粉漿多過肉，有啲揾苯，味道也有點怪怪的，感覺似南乳味，味道唔多夾。跟住牛肋骨嚟到，見到個樣已覺得唔對勁，以我認知呢個似牛仔骨多過似牛肋骨，份量不多大概有4件，仲要大部份喺骨多過肉，最離譜喺其中一舊只有骨，肉質好韌，好難咬，夾硬𡁻，好多都食唔到要吐翻出嚟，從未試過當場向店員投訴，有侍應剛經過就忍唔住同佢講，我諗佢個刻想叫經理過嚟處理，不過我見都食哂咁制就費事搞咁多野，只喺純粹喺想反映比佢哋知啫。雖然價錢唔算好貴，但今次我點呢個餐實在唔知自己食咗啲乜？性價比低，好失望，可能我今次點嘅野唔合格，可以比多次機會再試其他野嘅。