影片
更多
2022-04-24
618 瀏覽
之我好鍾意食呢間嘅，就算住喺隔離區都會特登過嚟呢度食，要排隊都照食，因為個天婦羅真係炸得好鬆脆。而家見晚市放寬左堂食，有啲掛住呢度咪再過嚟食下。星期日晚一嚟到發現點解冇咗條人龍嘅，奇怪竟然可以直入。入到去，同之前感覺唔同咗，冇左陣日本味，d紙箱周圍放，港style。因聞到陣伏味，所以都唔夠膽叫$168嗰個車海老軟殼蟹…d嘢食一嚟到，個天婦羅個樣同之前食開嘅唔同左嘅，係深色左同油益咗；我嗌咗烏冬，有盒配料箱俾我，裏便嗰啲脆脆係硬晒同埋咬唔爛，好明顯係放咗喺度好耐都冇人理，咁我唯有浸落去d湯底整淋佢啦⋯另外嗰個天丼飯，d豉油竟然係一劈咁落哂喺底，所以最底嗰啲飯係勁鹹（但面嗰啲就完全冇醬汁，全白色）所以我要自己再撈先搞得掂。另外特別想講廚房嗰個洗碗嘅阿姐，洗完碗之後轉頭見到佢喺度淥烏冬（！），明白可能係疫情關係請人有啲困難，但可唔可以煮嘢食同洗碗都起碼分開唔同嘅人先（或者起碼唔好俾我見到）我老公食完之後行行吓商場覺得胃痛不適，應該係太油出咗事，要即刻返屋企去廁所；我食完d烏冬就勁口渴。。點攪….曾經係我飯堂嘅地方，竟然唔想再黎啦，價錢又唔係話特別平…係唔開心嘅，點解一間之前我咁鍾意去嘅餐廳而
星期日晚一嚟到發現點解冇咗條人龍嘅，奇怪竟然可以直入。入到去，同之前感覺唔同咗，冇左陣日本味，d紙箱周圍放，港style。因聞到陣伏味，所以都唔夠膽叫$168嗰個車海老軟殼蟹…d嘢食一嚟到，個天婦羅個樣同之前食開嘅唔同左嘅，係深色左同油益咗；我嗌咗烏冬，有盒配料箱俾我，裏便嗰啲脆脆係硬晒同埋咬唔爛，好明顯係放咗喺度好耐都冇人理，咁我唯有浸落去d湯底整淋佢啦⋯
另外嗰個天丼飯，d豉油竟然係一劈咁落哂喺底，所以最底嗰啲飯係勁鹹（但面嗰啲就完全冇醬汁，全白色）所以我要自己再撈先搞得掂。
另外特別想講廚房嗰個洗碗嘅阿姐，洗完碗之後轉頭見到佢喺度淥烏冬（！），明白可能係疫情關係請人有啲困難，但可唔可以煮嘢食同洗碗都起碼分開唔同嘅人先（或者起碼唔好俾我見到）
我老公食完之後行行吓商場覺得胃痛不適，應該係太油出咗事，要即刻返屋企去廁所；我食完d烏冬就勁口渴。。
點攪….曾經係我飯堂嘅地方，竟然唔想再黎啦，價錢又唔係話特別平…係唔開心嘅，點解一間之前我咁鍾意去嘅餐廳而家會變成咁⋯😢
張貼