茶木‧台式休閒餐廳 (黃埔天地)

營業中

休息中

今日去左黃埔間teawood食飯，好難得連位都唔洗等，星期六日去食嘅話未開門已經排哂長龍。我叫左個set,有 味付小魚炸花枝， 台式肉燥飯，酥炸排骨同一杯柚子冰。野食黎得快，而且黎嘅時候係熱辣廿辣嘅。花枝丸爽口彈牙，仲會食到裡面嘅花枝。而酥炸排骨，啫係炸豬排，炸嘅時間掌握得好好，唔會炸到乾哂，豬排唔會唔熟，仲保留到佢嘅肉汁，而且唔會覺得硬，相信老人家都食到。肉燥飯d飯唔會太濕太軟，好好食，不果如果再有多d肉燥會更好。最後杯柚子冰算普通，d冰真係幾多。總括黎講覺得好好食同幾抵，六十幾蚊食到飽哂可惜，員工服務態度唔係咁好，叫佢地加水叫左三次先有人加。