魂 (已搬遷) 新店位置

一直都好想黎朝聖一下，今次終於有機會了。大約8pm黎到，見到前面約有八個人在排隊，大約三十五分鐘就入得去。我叫左太極，湯濃度中，面硬底中。靚係幾靚既，湯底比一般既香濃好味。但我就試唔出有墨汁味，可能墨汁一般都係無味？加左芝麻好香，蟹膏都好味，但食食下會溶係湯底到就無左，所以建議一開始食左佢。面普通，叉燒我男朋友話好味，但我覺得普通。而佢就點左青龍，本生以為咁晏去會售罄，但點知仲有！佢點左湯底濃，面硬。我試左，個人認為太極較好味。我倆一致都覺得玉子真係好味，玉子有d涼既感覺，唔錯。overall，比一般五六十蚊碗既拉面好味，用比較高既價錢當然會比較好味少少，所以我整體驚喜唔大，只係好味少少。