立鮨 (Tower 535)

營業中

休息中

經過銅鑼灣，原來香港都有立食壽司呢類嘅餐廳，就入左去試下。餐廳鋪面唔係好大，只能容納大概七對客人，師傅就會即場喺你面前製作壽司刺身。 有咩需要都係同師傅講，而枱面位置有齊曬餐具，滾水綠茶粉等等，同迴轉壽司冇異。食物質素依度唔錯。點左大大碗嘅特性海膽壽司飯， 大大碗海膽鮮味十足，鮮甜美味非常滿足。我哋仲叫咗特選三文魚盛盒同嚴選火炙成盒， 兩款盛合都好抵食。 盛盒包咗五款三文魚壽司， 三文魚腩壽司 ，辣三文魚軍艦 ，三文魚小卷 ，同火炙三文魚壽司。 火炙 盛合 有帶子壽司左口魚邊壽司， 中吞拿魚腩壽司同松葉蟹腳壽司。 呢個價食到以上嘅壽司而質素可能比迴轉壽司更好。但係講到壽司最好食嘅，都係單點既三文魚子軍艦， 每一粒三文魚子，都鮮甜多汁美味，入口卜卜脆。呢度啲刺身都係厚切，選擇亦多。 我哋叫咗三文魚腩，油甘魚腩，北海道帶子，象拔蚌同埋珍寶甘蝦。 每樣刺身都鮮甜美味，尤其是喺嗰象拔蚌刺身，鮮味爽口彈牙。最後仲叫咗杯青森蘋果汁超冰涼清甜，甜品係好好味既香橙雪葩， 唔太甜口感嫩滑，總括嚟講立鮨係可以翻桌既餐廳。