影片
更多
2017-08-14
444 瀏覽
阿元來了係觀塘開左分店，朋友話想試，真係一試難忘。正宗台灣美味，好似去左轉台灣咁。首先講下個地點，正門係有d難揾，佢前面鋪面係賣台式飲品，要兜過停車場，去到一個以為係垃圾房既地方，唔好猶疑，行入去就岩架喇😂真係入錯垃圾房請唔好打我。行過一條走廊，好似通往左另一個世界，番番去舊時既台灣。店內環境裝修十分懷舊，有風味，食都食得開心d，等既時候仲可以影下相，打下卡。朋友點左魯肉飯，大讚有水準，味道係台灣既味道，size係台灣既size，價錢亦同台灣既銀碼係一樣！不過係港幣😂台南擔仔粿條，係台灣未食過粿條，原來好似河粉？我點既香菇肉羹麵，香菇大大片，肉原本以為好似碗仔翅既雞絲，原來係大大舊既肉球，肉質鮮嫩，加上濃濃既湯羹，麵質較軟，但整個配合得很好，喜歡。身為珍珠奶茶既忠實fans，我最近只愛天人茗茶，但今日太熱就點了杯茉香珍珠，又有驚喜喎！珍珠有煙韌有咬口，茶和奶比例剛剛好，甜度適中即使沒有叫少甜，仲附送奶蓋，變左奶蓋茉香珍珠。甜品就淨得一款，九份芋圓，口感煙韌。今日可惜既係食唔到蛋餅，如果想食蛋餅記住係五點半前先有，所以我會再去食多次先得。題外話:阿元係台灣人，同一個香港人開左呀元來了，走
首先講下個地點，正門係有d難揾，佢前面鋪面係賣台式飲品，要兜過停車場，去到一個以為係垃圾房既地方，唔好猶疑，行入去就岩架喇😂真係入錯垃圾房請唔好打我。
行過一條走廊，好似通往左另一個世界，番番去舊時既台灣。店內環境裝修十分懷舊，有風味，食都食得開心d，等既時候仲可以影下相，打下卡。
朋友點左魯肉飯，大讚有水準，味道係台灣既味道，size係台灣既size，價錢亦同台灣既銀碼係一樣！不過係港幣😂
台南擔仔粿條，係台灣未食過粿條，原來好似河粉？
我點既香菇肉羹麵，香菇大大片，肉原本以為好似碗仔翅既雞絲，原來係大大舊既肉球，肉質鮮嫩，加上濃濃既湯羹，麵質較軟，但整個配合得很好，喜歡。
香菇肉羹麵
$45
88 瀏覽
0 讚好
0 留言
身為珍珠奶茶既忠實fans，我最近只愛天人茗茶，但今日太熱就點了杯茉香珍珠，又有驚喜喎！珍珠有煙韌有咬口，茶和奶比例剛剛好，甜度適中即使沒有叫少甜，仲附送奶蓋，變左奶蓋茉香珍珠。
茉香珍珠
$23
34 瀏覽
0 讚好
0 留言
甜品就淨得一款，九份芋圓，口感煙韌。
今日可惜既係食唔到蛋餅，如果想食蛋餅記住係五點半前先有，所以我會再去食多次先得。
題外話:
阿元係台灣人，同一個香港人開左呀元來了，走既時候見到牆上貼住檳榔100元2粒，仲要加張性感姐姐相，好奇點解檳榔賣咁貴，老闆好nice咁同我地傾左陣計，又知多左d台灣文化，然後我地行出走廊，又番番黎香港喇！如果掛住台灣，不防黎呢度感受下，止住癮先。
張貼
