影片
更多
2024-02-27
47 瀏覽
觀塘有好多平民工廈美食，呢間集酒吧同西餐廳於一體，有室外同室內座位，而且空間感十足，坐得好舒服！提供多款西式料理同埋特調雞尾酒，今次衝佢個晚餐試一試先！店內有唔少可以比客人玩嘅設施，好似桌球🎱、掟鏢同beer pong🍻都有，環境就偏向西餐廳，有啲卡位仲容納到十幾個人，都幾適合同朋友嚟摸吓酒杯底！-——————————————👨🏻🍳◖ ᴅɪɴɴᴇʀ ꜱᴇᴛ ◗ $308晚市套餐$308起，包咗餐湯、沙律、主菜、甜品同飲品，份量足料，而且出品都幾高質！店員送上餐湯嘅同時仲有餐包球🥯，暖笠笠咁，口感煙煙韌韌，帶有麥香，又幾好食！— ꜱᴏᴜᴘ —🫕/忌廉蘑菇湯🍅/雜菜湯呢兩個湯都好出色。雜菜湯酸酸甜甜，好開胃；磨菇湯濃郁香滑，將磨菇打成蓉，裡面仲有粒粒磨菇碎，味道香濃充滿奶香，口感超豐富！— ꜱᴀʟᴀᴅ —🐓/烤慢煮嫩雞胸凱撒沙律沙律有兩片雞胸肉，經過烘烤有少少脆邊，有啲炭燒嘅香氣，沙律菜新鮮爽脆，加埋啲帶點酸酸地嘅凱撒醬，令味道更加豐富！🐟/烤鐵板吞拿魚沙律吞拿魚肉質鮮嫩，用咗黑胡椒包住，食落有少少辛辣，完全食唔出吞拿魚嘅腥味，口感順滑有層次！— ᴍᴀɪɴ ᴄᴏᴜʀꜱᴇ —🥩/美國頂級肉
-——————————————
👨🏻🍳◖ ᴅɪɴɴᴇʀ ꜱᴇᴛ ◗ $308
晚市套餐$308起，包咗餐湯、沙律、主菜、甜品同飲品，份量足料，而且出品都幾高質！店員送上餐湯嘅同時仲有餐包球🥯，暖笠笠咁，口感煙煙韌韌，帶有麥香，又幾好食！
— ꜱᴏᴜᴘ —
🫕/忌廉蘑菇湯
🍅/雜菜湯
呢兩個湯都好出色。雜菜湯酸酸甜甜，好開胃；磨菇湯濃郁香滑，將磨菇打成蓉，裡面仲有粒粒磨菇碎，味道香濃充滿奶香，口感超豐富！
— ꜱᴀʟᴀᴅ —
🐓/烤慢煮嫩雞胸凱撒沙律
沙律有兩片雞胸肉，經過烘烤有少少脆邊，有啲炭燒嘅香氣，沙律菜新鮮爽脆，加埋啲帶點酸酸地嘅凱撒醬，令味道更加豐富！
🐟/烤鐵板吞拿魚沙律
吞拿魚肉質鮮嫩，用咗黑胡椒包住，食落有少少辛辣，完全食唔出吞拿魚嘅腥味，口感順滑有層次！
— ᴍᴀɪɴ ᴄᴏᴜʀꜱᴇ —
🥩/美國頂級肉眼（10安士）+$78
肉眼揀左5成熟，煮得啱啱好，juicy又牛味濃郁，肉質嫩滑~ 另外，配菜都幾豐富，令整個主菜更加色彩繽紛，每一啖都好滿足~
🍖/澳洲寶雲酥羊架
有三架骨，肉質鮮嫩多汁，羊架面層塗上芥末醬、麵包糠同香草，然後焗香，每啖都係濃郁羊肉味。絕對值得試！
— ᴅᴇꜱꜱᴇʀᴛ —
🍰/栗子蛋糕
栗子蛋糕攞盤精緻，甜度適中。栗子味道一般，但係作為今餐完美嘅句號，都唔錯！
— ᴅʀɪɴᴋ —
☕️/熱茶
有咖啡同茶可以揀，夜晚揀咗杯熱茶飲，正正常常，沖出嚟特別濃🤣
🌟Encore指數：8.9/10
張貼
