宮崎肉本舖 (已結業)

平時燒肉放題就食得多，但咁高級既和牛燒肉放題又真係比較少食🫣難得新年，就帶左屋企人去維園行花市，順便book埋隔離呢間主打食宮崎A5櫻花牛既日本過江龍燒肉放題🤩餐廳裝修以日式木系為主調，舒服並帶有高雅既感覺。最值得關注係有幾個窗邊卡位，但有包廂既感覺，私隱度好高，仲對住個維園景觀既落地大玻璃，非常舒適！$998 宮崎A5櫻花牛極上燒肉餐，可以任食6款頂級A5和牛以及超過60款其他食材宮崎A5櫻花牛拼盤，有齊六款可以任食既 •外後腿肉•内後腿肉•肩里肌• 肩口肉•五花腩•牛肋肉，仲贈送四種稀有部位和尚頭•前腿肉、肉眼扒同埋壽喜燒牛肩肉🥺 和尚頭同前腿肉每隻牛只佔有一點幾%比例，所以真係非常珍貴！！！店員推薦由雪花較小既肉開始食起，最後會係最多雪花既肉眼扒同壽喜燒，會由店員幫手料理，燒既程度啱啱好，達到A5級別既宮崎牛雪花成霜狀，就咁睇都知有幾靚！嫩滑入口即溶，好似食緊和牛雪糕咁，超級滿足！！除左和牛，仲有日本產既走地雞同豚肉。其中特別推薦雞頸肉，好脆好爽口，有雞味得黎又完全唔腥！日本直送海鮮我最鍾意甲羅燒同生蠔，生蠔粒粒肥美鮮甜，甲羅燒蟹膏好鮮甜濃郁燒肉以外仲有好多其他選擇，例如沙律、爆