賞島咖啡屋

營業中

休息中

放假嘅時候鍾意享受下一個人嘅寧靜，今日就去左太子呢間賞島咖啡屋。裝修風格簡約，有種現代工業風格。可能因為lunch時間，都有幾台客人喺度享用lunch，但係地方好闊落毫無擠迫感，坐得好舒服。好鍾意餐廳嘅心意佈置，睇得出老闆有花心思令食客感受到專屬於小店嘅人情味。Lunch Set 有幾款，性價比都幾高，價錢包咗主菜，沙律或餐湯，咖啡。我就叫左瑪莎拉午肉連烤餅配餐湯，餐湯係濃郁蕃茄湯，飲落去有蕃茄嘅鮮味又唔會酸，飲得出用新鮮蕃茄去煮。瑪莎拉午肉連烤餅，份量好足有三塊。每塊入邊都有勁多牛肉同芝士，真係啱晒芝士控既我。牛肉都幾重牛肉味，而且肉身唔會覺得好韌，再加埋醬汁同芝士味道啱啱好，都唔會太鹹。因為lunch set跟咖啡，就點咗我最鍾意既latte，藍綠色陶瓷杯配上拉咗天鵝圖案咖啡好有咖啡小店既風格。咖啡味好香，啡牛奶嘅比例，剛剛好。飲完咖啡，煲完劇，呢個假期咖啡店體驗好完滿。