影片
更多
2024-10-28
747 瀏覽
天氣開始凍，又係時間食火鍋，今晚去食 LV4 澳洲穀飼黑安格斯牛 + SRF 美國極黑牛放題 + 海鮮放題 $348，任飲任食 2小時。餐廳又大又乾淨，坐得舒服而且取食物也不會迫，仲有萬聖節裝飾及店員有萬聖節打扮，好有氣氛。服務貼心送上濕紙巾，上菜及收走吉碟都好勤快。湯底有6款選擇，還可以+$10 鴛鴦湯底，另外有3款湯底可加錢選擇。我們揀左 *黑蒜豚骨湯* ，濃香不膩，涮肉或蔬菜都好正。澳洲穀飼黑安格斯牛，超級好味 ，油花分佈好靚，入口快要溶化，牛脂好香，牛肉味濃郁，肉質細嫩。SRF 美國極黑牛，好鮮甜多汁，肉質緊緻，牛味特別重。PRIME美國肩胛肉眼，肉質特別嫩滑，味道亦濃厚，也很有咬口的肉質。特選牛小排，脂肪豐富有油香，嫩彈肉感好滿足。海鮮放題有挪威三文魚刺身、大海蝦、帆立貝、紐西蘭青口、魷魚、花膠、蝦滑....特別係大海蝦，真係超級大隻，食牛同蝦已經很值很滿足。大海蝦非常大隻，成隻手掌咁長，蝦肉爽口彈牙，肉質很好，性價比高，個人非常推介。帆立貝都很大粒，肉厚細膩又彈牙。青口細細粒但口感爽嫩。蝦滑有蝦肉粒，很有口感，鮮味彈牙。魷魚好爽脆，水嫩嫩的肉質。花膠厚身軟綿，彈性十足。豚肉
天氣開始凍，又係時間食火鍋，今晚去[牛氣]食 LV4 澳洲穀飼黑安格斯牛 + SRF 美國極黑牛放題 + 海鮮放題 $348，任飲任食 2小時。餐廳又大又乾淨，坐得舒服而且取食物也不會迫，仲有萬聖節裝飾及店員有萬聖節打扮，好有氣氛。服務貼心送上濕紙巾，上菜及收走吉碟都好勤快。
湯底有6款選擇，還可以+$10 鴛鴦湯底，另外有3款湯底可加錢選擇。我們揀左 *黑蒜豚骨湯* ，濃香不膩，涮肉或蔬菜都好正。
澳洲穀飼黑安格斯牛，超級好味 ，油花分佈好靚，入口快要溶化，牛脂好香，牛肉味濃郁，肉質細嫩。
SRF 美國極黑牛，好鮮甜多汁，肉質緊緻，牛味特別重。
PRIME美國肩胛肉眼，肉質特別嫩滑，味道亦濃厚，也很有咬口的肉質。特選牛小排，脂肪豐富有油香，嫩彈肉感好滿足。
海鮮放題有挪威三文魚刺身、大海蝦、帆立貝、紐西蘭青口、魷魚、花膠、蝦滑....特別係大海蝦，真係超級大隻，食牛同蝦已經很值很滿足。
大海蝦非常大隻，成隻手掌咁長，蝦肉爽口彈牙，肉質很好，性價比高，個人非常推介。帆立貝都很大粒，肉厚細膩又彈牙。青口細細粒但口感爽嫩。蝦滑有蝦肉粒，很有口感，鮮味彈牙。
魷魚好爽脆，水嫩嫩的肉質。花膠厚身軟綿，彈性十足。
豚肉同雞肉都好嫩彈。
挪威三文魚刺身，肥美油潤有光澤，入口嫩滑，滿口魚油香。
黃金蝦丸是必食，蝦丸好彈內餡係咸蛋漿，咸香惹味，咸蛋味道濃濃。另外，竹笙釀蝦滑都超正，竹笙吸哂湯汁，配爽彈蝦滑好美味。
前菜同小食都好豐富，真係食得好開心，日式蟹棒冷豆腐，味道清淡，醋汁酸香很消膩。
煙肉焗蠔，咸香細滑的醬汁包著嫩滑蠔肉，味道很正。
蔬菜全都乾淨新鮮，入口爽脆。水耕菜專區更有水松菜、人參葉、石斛苗.....少見的特別款式。
日本烏冬採用日本千葉縣制粉工場的麵粉和精選小麥，煮3月30秒就食得。烏冬好彈牙好滑溜，係日本烏冬的口感，吸哂湯汁精華好好味。
焦糖芝士巴斯克，質感細緻綿滑，芝士味濃郁，入口即溶，味道久久不散，令人回味，甜度也剛好，配牛奶軟雪糕食也好正。
咖啡拖肥味雪榚 ，係限定口味，一入口已有白濃拖肥味，淡淡咖啡香，雪榚冰感重但都好滑好香，配乾脆的香蕉片或無花果乾都好夾。脆皮提拉米蘇大福 ，朱古力脆皮口感，內裡係提拉米蘇口味的大福，軟綿綿好CREAMY，大福皮好軟糯。
迷你雜錦脆皮泡芙，顏色好靚，內餡多香滑忌廉，好吸引小朋友，另外餐廳仲有綿花糖機，也受小朋友歡迎。
榴槤糯米糍，超級正，喜歡榴槤的人必食，唔會好油膩，反而好糯好香，爆出榴槤漿好正。
飲品款式唔算多，但都有齊茶、汽水、果汁....，最正有咖啡機，多款選擇。
張貼
