影片
更多
2020-11-17
625 瀏覽
都知道我是火鍋控，台式港式粥底都鍾意食，今晚食咗馬辣，每位價錢只係$158，但現場提供嘅食品飲品種類超級豐富，呢個價錢真係好抵！入場會提供紙袋俾你裝口罩，好細心。現場座位好闊落，檯與檯中間有好充足距離，食得安心。首先想講飲品，飲品係我近年食任食火鍋見過最多種類選擇的餐廳，無論熱飲凍飲，甜嘅唔甜嘅都有好多選擇，周圍都有嘅罐裝汽水唔洗講啦，仲有自家制無糖檸檬茶俾唔想飲甜嘢但又想飲凍嘢嘅女生，仲有三款花茶俾你自己沖泡，女生最愛的玫瑰茶，真係見到都心心眼😍男士最愛的啤酒唔少得，仲要有埋Asahi draft beer任你自己斟，好有誠意！唔止，仲好受女生歡迎的Somersby蘋果酒都係自己draft！食品方便選擇都唔少，肉類係要落單點，丸類配菜就出去自己攞。可以點嘅牛肉有四款選擇，首推Prime頂級牛梅花，厚薄適中牛肉味濃郁，入口夠晒淋；無骨牛小排都唔錯，偏薄牛味都有。安格斯黑牛比較厚身，比較有𡁻口但相對嚟講牛味比牛小排濃。豬肉我只試咗黑毛豬梅花，厚薄適中有口感但唔會鞋，味道不錯。出面任拎的食物選擇都好多，午餐肉、牛柏葉、水魷魚、韮菜餃、海帶結都係推介。如果飯桶可以試吓珍珠飯配滷肉蛋，聞起嚟非
都知道我是火鍋控，台式港式粥底都鍾意食，今晚食咗馬辣，每位價錢只係$158，但現場提供嘅食品飲品種類超級豐富，呢個價錢真係好抵！
入場會提供紙袋俾你裝口罩，好細心。現場座位好闊落，檯與檯中間有好充足距離，食得安心。
首先想講飲品，飲品係我近年食任食火鍋見過最多種類選擇的餐廳，無論熱飲凍飲，甜嘅唔甜嘅都有好多選擇，周圍都有嘅罐裝汽水唔洗講啦，
仲有自家制無糖檸檬茶俾唔想飲甜嘢但又想飲凍嘢嘅女生，
仲有三款花茶俾你自己沖泡，女生最愛的玫瑰茶，真係見到都心心眼😍
男士最愛的啤酒唔少得，仲要有埋Asahi draft beer任你自己斟，好有誠意！唔止，仲好受女生歡迎的Somersby蘋果酒都係自己draft！食品方便選擇都唔少，肉類係要落單點，丸類配菜就出去自己攞。可以點嘅牛肉有四款選擇，
首推Prime頂級牛梅花，厚薄適中牛肉味濃郁，入口夠晒淋；無骨牛小排都唔錯，偏薄牛味都有。安格斯黑牛比較厚身，比較有𡁻口但相對嚟講牛味比牛小排濃。豬肉我只試咗黑毛豬梅花，厚薄適中有口感但唔會鞋，味道不錯。
出面任拎的食物選擇都好多，午餐肉、牛柏葉、水魷魚、韮菜餃、海帶結都係推介。
如果飯桶可以試吓珍珠飯配滷肉蛋，聞起嚟非常香，但實在食得太飽無機會試。甜品又係值得一讚，選擇超多！有一個櫃係自家制甜品，然後雪糕雪條選擇都有3-4款，
仲有埋雪糕糯米糍；好想食晒但肚嘅位置有限，最後食咗cocoberry嘅沖繩海鹽雪糕，鹹鹹地好得意，鹽味令甜份更突出，好有趣。
張貼
