影片
更多
2023-06-21
26 瀏覽
今日同朋友喺附近買完家品行到攰攰哋熱熱地就喺附近搵嘢食。見到呢間餐廳都幾有特色，牆身擺本好多酒樽，餐廳開揚設計，決定坐喺度同朋友休息下傾下偈。點咗兩份漢堡包同埋一個叫醉喵雞翼，另外朋友因為好鍾意飲手工啤，呢度店員介紹之後就試咗呢個platter，可以有四杯唔同口感嘅小手工啤酒testing。我就揀左Kombucha, 係一款紅茶菌飲品，好清新！雞翼好有酒味，雪凍左有另一種口感，咁熱天凍食，降下溫最好不過，加埋手工啤一齊飲都好夾！漢堡包揀咗手撕豬肉同埋飛驒和牛，材料十足，麵包非常鬆軟，手撕豬肉調味好好味但又唔會嚡口，和牛當然充滿牛肉味而且好juicy，配埋新鮮蔬菜，大滿足。雖然佢係酒吧格局，但真係比好多西餐嘅漢堡包好食10倍！而且伴碟薯條又好味，貌相同味道都令人好滿意！店員介紹各款不同國家手工啤（有美國，英國，比利時，香港等等）後我地揀左以下幾款：Fruity: DDH Pale AleHoppy啤酒花味: Double IPASour: 比利時嘅女伯爵, 酸味重D麥味重malty： Chilli Amber Ale，用上煙燻辣椒，飲落有麥味後少少辣咪，口感特別！店員仲話佢地每星期會轉下
點咗兩份漢堡包同埋一個叫醉喵雞翼，另外朋友因為好鍾意飲手工啤，呢度店員介紹之後就試咗呢個platter，可以有四杯唔同口感嘅小手工啤酒testing。我就揀左Kombucha, 係一款紅茶菌飲品，好清新！
雞翼好有酒味，雪凍左有另一種口感，咁熱天凍食，降下溫最好不過，加埋手工啤一齊飲都好夾！
漢堡包揀咗手撕豬肉同埋飛驒和牛，材料十足，麵包非常鬆軟，手撕豬肉調味好好味但又唔會嚡口，和牛當然充滿牛肉味而且好juicy，配埋新鮮蔬菜，大滿足。雖然佢係酒吧格局，但真係比好多西餐嘅漢堡包好食10倍！而且伴碟薯條又好味，貌相同味道都令人好滿意！
店員介紹各款不同國家手工啤（有美國，英國，比利時，香港等等）後我地揀左以下幾款：
Fruity: DDH Pale Ale
Hoppy啤酒花味: Double IPA
Sour: 比利時嘅女伯爵, 酸味重D
麥味重malty： Chilli Amber Ale，用上煙燻辣椒，飲落有麥味後少少辣咪，口感特別！
店員仲話佢地每星期會轉下啤酒，又有D款係不停期推出，聽到我朋友都心癢癢。
至於我個Kombucha，係澳洲都有飲開，但呢個樽身真係好有心思，靚靚設計，要讚揚下。呢到有好多種口味，我揀左百香果，好清新，少少酸甜夠神。
哩度環境好輕鬆又有外國氣息，假日喺度chill下就岩晒！
張貼
