影片
更多
2017-07-24
1686 瀏覽
見到平日要等位既雲貴川今日唔使等位,梗係即衝入去啦.今日持續熱氣持續咳,決定食清啲,所以只係叫左口水雞飯,但係小辣就算喇,真係忍得口!點完飯4,5分鐘後先話飯要等,咁就逼著轉米線啦.不過食口水雞但係無飯撈就嘥晒啲汁囉.依度幾好既係,面同雞既辣度係可以分開選擇.即係可以中辣既面配小辣既口水雞.但我都面同雞都係叫左小辣啫.小辣既面真係完全唔辣咁滯,面條少少煙靭,唔錯.有好多芝麻同埋辣椒粒舖係口水雞上面,而碟底都有唔少芽菜同鹹酸菜墊底,賣相非常吸引.夾起雞肉時已經覺得好冧,食落果然無錯,雞肉冧得過火,而且都幾嚡,撈埋汁食還可以,但如果當係白切雞咁食就難啲入口喇.而且就因為選咗小辣,連麻味都相對減少咗,如果可以連麻味都有得分開選擇就好喇.順帶一提,依度伙計都幾有人情味,見到落大雨,會叫食客唔好走著坐多陣,等到細雨先離開.
96 瀏覽
0 讚好
0 留言
小辣既面真係完全唔辣咁滯,面條少少煙靭,唔錯.
口水雞
131 瀏覽
0 讚好
0 留言
有好多芝麻同埋辣椒粒舖係口水雞上面,而碟底都有唔少芽菜同鹹酸菜墊底,賣相非常吸引.夾起雞肉時已經覺得好冧,食落果然無錯,雞肉冧得過火,而且都幾嚡,撈埋汁食還可以,但如果當係白切雞咁食就難啲入口喇.而且就因為選咗小辣,連麻味都相對減少咗,如果可以連麻味都有得分開選擇就好喇.
順帶一提,依度伙計都幾有人情味,見到落大雨,會叫食客唔好走著坐多陣,等到細雨先離開.
張貼
